जम्मू काश्मीरमध्ये एक आश्चर्यकारक घटना समोर आली. बर्फवृष्टी झाल्यामुळे प्राथमिक आरोग्य केंद्रात डॉक्टर पोहोचू शकत नव्हते. त्यामुळे येथे व्हॉट्सॲप कॉलद्वारे सूचना देत एका गर्भवती महिलेची प्रसुती करण्यात आली आहे. केरन येथील प्राथमिक आरोग्य केंद्राशी शुक्रवारी (१० फेब्रुवारी) रात्री गुंतागुंतीची प्रसूती करायची असल्याविषयी संपर्क साधण्यात आला, अशी माहिती वैद्यकीय अधिकारी डॉ. मीर महंमद शफी यांच्याकडून देण्यात आली. सहा तासांनी संबंधित महिलेने एका चिमुकलीला जन्म दिला. आई आणि मुलगी दोघीही निरीक्षणाखाली आणि सुखरूप आहेत.
रुग्णाला प्रसूती सुविधा असलेल्या रुग्णालयात नेण्यासाठी हवेतून बाहेर काढण्याची गरज होती कारण हिवाळ्यात केरन कुपवाडा जिल्ह्याच्या उर्वरित भागापासून तुटलेला होता. गुरुवार आणि शुक्रवारी सततच्या हिमवृष्टीमुळे अधिकाऱ्यांना हवेतून बाहेर काढण्याची व्यवस्था करण्यापासून रोखले, केरन PHC मधील वैद्यकीय कर्मचाऱ्यांना प्रसूतीमध्ये मदत करण्यासाठी पर्यायी मार्ग शोधण्यास भाग पाडले.
क्रालपोरा उपजिल्हा रुग्णालयातील स्त्रीरोगतज्ञ डॉ. परवेझ यांनी केरण PHC मधील डॉ. अर्शद सोफी आणि त्यांच्या पॅरामेडिकल कर्मचार्‍यांना व्हॉट्सअॅप कॉलद्वारे प्रसूतीची प्रक्रिया त्यांना सांगितली. सध्या मुलगी आणि आई दोघेही निरीक्षणाखाली आहेत.