Dr BR Ambedkar Jayanti: बाबासाहेब आंबेडकरांचे क्रांतिकारी विचार, जे तुमचा दृष्टीकोन बदलतील

उद्या म्हणजेच 14 एप्रिल रोजी राज्यघटनेचे शिल्पकार डॉ. भीमराव आंबेडकर यांची 132 वी जयंती भारतासह संपूर्ण जगात एक उत्सव म्हणून साजरी केली जाणार आहे. समतेसाठी आयुष्यभर लढणाऱ्या डॉ.आंबेडकरांना समतेचे आणि ज्ञानाचे प्रतीक मानले जात असल्याने आंबेडकर जयंती हा ‘समता दिन’ आणि ‘ज्ञान दिन’ म्हणूनही साजरा केला जातो.

आपल्या देशात डॉ.भीमराव आंबेडकर हे समता आणि न्यायाचे प्रतिक मानले जातात. ते एक महान समाजसेवक होते. सर्व भारतीयांमध्ये समानता आणण्यासाठी त्यांनी कठोर परिश्रम घेतले. ते म्हणाले की, शिक्षण हे समाज परिवर्तनाचे माध्यम आहे. वेळ आल्यावर उपाशी राहा पण मुलांना शिकवा.

डॉ.बाबासाहेब आंबेडकरांच्या मते शहाणपण, नम्रता, करुणा, विद्या आणि मैत्री या पाच घटकांच्या आधारे प्रत्येक विद्यार्थ्याने आपले चारित्र्य घडवले पाहिजे.

डॉ. बाबासाहेब आंबेडकरांनी आपले संपूर्ण आयुष्य अस्पृश्य, स्त्रिया आणि मजुरांच्या भल्यासाठी वाहून घेतले. ते एकदा म्हणाले होते की, शिक्षण हे वाघिणीचे दूध आहे आणि जो कोणी ते पिईल तो वाघासारखे गुरगुरेल.

डॉ. आंबेडकर हे दलित आणि गरीब आणि आर्थिकदृष्ट्या मागासलेल्या लोकांचे नेते होते. 1936 मध्ये त्यांनी ‘स्वतंत्र मजूर पक्ष’ या नावाने पहिला राजकीय पक्ष स्थापन केला. ते म्हणाले होते, ‘माणसाला आयुष्यभर शिकायचे असले तरी तो ज्ञानसागराच्या पाण्यात गुडघ्यापर्यंत जाऊ शकतो’.

डॉ. बाबासाहेब आंबेडकर यांनी भारतीय कायदा आणि शिक्षणात उल्लेखनीय योगदान दिले, त्यांनी स्वतंत्र भारताचे पहिले कायदा मंत्री म्हणूनही काम केले. ते एकदा म्हणाले होते की कोणत्याही समाजाची उन्नती ही त्या समाजातील शिक्षणाच्या प्रगतीवर अवलंबून असते.

आपण राजकीय आंदोलनाला जेवढे महत्त्व देतो, तेवढेच महत्त्व आपण शिक्षणाच्या प्रसाराला दिले पाहिजे, असे डॉ.बाबासाहेब आंबेडकर म्हणाले होते.