Baba Vanga Prediction: सोन्याचे दर 2 लाखांच्या पार जाणार? बाबा वेंगा यांची 2026 साठीची भविष्यवाणी आणि जागतिक मंदीचे संकेत; गुंतवणूकदारांची उडाली झोप!
वर्ष २०२५ प्रमाणेच २०२६ मध्येही सोने आणि चांदीच्या किमतींनी सर्व विक्रम मोडीत काढले आहेत. सध्या दिल्लीत २४ कॅरेट सोन्याचा दर प्रति १० ग्रॅम १,३५,९७० रुपयांवर पोहोचला आहे, तर चांदीने २,४१,००० रुपये प्रति किलोचा टप्पा गाठला आहे. अशातच, बल्गेरियाच्या प्रसिद्ध भविष्यवेत्त्या ‘बाबा वेंगा’ यांनी २०२६ सालासाठी केलेली एक भविष्यवाणी पुन्हा एकदा चर्चेत आली आहे. त्यांच्या मते, हे वर्ष जगासाठी आर्थिक बदलांचे आणि मोठ्या संकटांचे असणार आहे.
जागतिक आर्थिक संकट आणि सोन्याची झळाळी
बाबा वेंगा यांच्या दाव्यानुसार, २०२६ मध्ये जगाला एका भीषण आर्थिक संकटाचा सामना करावा लागू शकतो. बँकिंग व्यवस्था कोलमडणे, रोख रकमेची टंचाई आणि चलनाचे अवमूल्यन यामुळे जग आर्थिक गर्तेत सापडण्याची शक्यता आहे. इतिहासाची पुनरावृत्ती पाहता, जेव्हा जेव्हा जागतिक स्तरावर आर्थिक अस्थिरता येते, तेव्हा सोन्याचे दर गगनाला भिडतात. तज्ज्ञांच्या मते, अमेरिकेने व्हेनेझुएलावर केलेल्या हल्ल्यानंतर निर्माण झालेली भू-राजकीय परिस्थिती सोन्याच्या दरात २५% ते ४०% पर्यंत वाढ घडवून आणू शकते.
दिवाळी २०२६ पर्यंत सोन्याचा नवा उच्चांक?
बाबा वेंगा यांच्या भविष्यवाणीला आधार मानल्यास आणि सध्याच्या बाजारपेठेचा कल पाहिल्यास, आगामी काळात सोन्याचे दर सामान्यांच्या आवाक्याबाहेर जाऊ शकतात. तज्ज्ञांचा अंदाज आहे की, दिवाळी २०२६ (ऑक्टोबर-नोव्हेंबर) पर्यंत सोन्याचे दर १,६२,५०० रुपये ते १,८२,००० रुपये प्रति १० ग्रॅमच्या घरात पोहोचू शकतात. जर जागतिक स्तरावर युद्धजन्य परिस्थिती किंवा आर्थिक मंदी अधिक गडद झाली, तर हा आकडा २ लाखांच्या जवळ जाण्याचीही भीती वर्तवण्यात येत आहे.
गुंतवणूकदारांसाठी सोने ठरतेय ‘सुरक्षित कवच’
सोन्याच्या किमती इतक्या का वाढत आहेत, याचे विश्लेषण करताना तज्ज्ञ सांगतात की, जागतिक व्यापार युद्ध, वाढती महागाई आणि शेअर बाजारातील अनिश्चितता यामुळे गुंतवणूकदार घाबरलेले आहेत. अशा काळात चलन किंवा शेअर्समध्ये गुंतवणूक करण्याऐवजी ‘सोने’ हा सर्वात सुरक्षित पर्याय मानला जातो. याच कारणामुळे सोन्याचे दर विक्रमी पातळीवर असूनही लोक मोठ्या प्रमाणात खरेदी करत आहेत. मात्र, सामान्यांसाठी लग्नसराई आणि सणासुदीच्या काळात दागिने खरेदी करणे आता एक मोठे आर्थिक आव्हान ठरणार आहे.