Australia vs Netherlands: ऑस्ट्रेलियाने सर्वात मोठा विजय नोंदवून रचला इतिहास, विश्वचषकात अशी कामगिरी करणारा पहिला संघ
ऑस्ट्रेलियाने नेदरलँड संघाचा 309 धावांनी शानदार पराभव केला. ऑस्ट्रेलियाने नेदरलँड्सला सामना जिंकण्यासाठी 400 धावांचं लक्ष्य दिलं, त्याला प्रत्युत्तरात नेदरलँड्सचा संघ अवघ्या 90 धावांत सर्वबाद झाला. ऑस्ट्रेलियासाठी गोलंदाज आणि फलंदाजांनी चमकदार कामगिरी केली. एकदिवसीय विश्वचषक 2023 मध्ये ऑस्ट्रेलियन संघाचा हा सलग तिसरा विजय आहे आणि मोठा विजय नोंदवून ऑस्ट्रेलियन संघाने इतिहास रचला आहे.
ऑस्ट्रेलियन कर्णधार पॅट कमिन्सने नाणेफेक जिंकून प्रथम फलंदाजी करण्याचा निर्णय घेतला, जो योग्य ठरला. ऑस्ट्रेलियासाठी फलंदाजांनी चमकदार कामगिरी केली. ऑस्ट्रेलियन संघाची सुरुवात चांगली झाली नाही. जेव्हा सलामीवीर मिचेल मार्श 9 धावा करून पॅव्हेलियनमध्ये परतला. यानंतर डेव्हिड वॉर्नर आणि स्टीव्ह स्मिथ यांनी उत्कृष्ट भागीदारी केली. स्मिथने 71 धावा केल्या. त्याला आर्यन दत्तने बाद केले. जोस इंग्लिस जास्त वेळ क्रीजवर राहू शकला नाही आणि 14 धावा करून पॅव्हेलियनमध्ये परतला. मार्नस लॅबुशेनने 62 धावा केल्या. डेव्हिड वॉर्नरने एकदिवसीय विश्वचषक 2023 मध्ये सलग दुसरे शतक झळकावले आणि 104 धावा केल्यानंतर तो बाद झाला.
ग्लेन मॅक्सवेलने झंझावाती झळकावले शतक
अखेरीस ग्लेन मॅक्सवेलने ऑस्ट्रेलियन संघासाठी तुफानी फलंदाजी केली. एकदिवसीय विश्वचषकाच्या इतिहासातील सर्वात जलद शतक त्याने ठोकले आहे. त्याने अवघ्या 40 चेंडूत शतक झळकावले. मॅक्सवेलने आपल्या खेळीत 9 चौकार आणि 8 लांब षटकार मारले. त्याच्यामुळेच ऑस्ट्रेलियन संघ सामना जिंकण्यात यशस्वी ठरला. ऑस्ट्रेलियाने नेदरलँड संघाला विजयासाठी 400 धावांचे लक्ष्य दिले होते. नेदरलँडसाठी कोणताही गोलंदाज प्रभाव पाडू शकला नाही.
A 309-run win for Australia – biggest margin of victory by runs in World Cup history#AUSvNED #CWC23 pic.twitter.com/GcoODIAjUg
— Cricbuzz (@cricbuzz) October 25, 2023
डोंगराप्रमाणे लक्ष्याचा पाठलाग करणारा नेदरलँडचा संघ खेळात दिसला नाही. संघाच्या एकाही फलंदाजाला मोठी खेळी करता आली नाही. विक्रमजीत सिंगने सर्वाधिक 25 धावा केल्या. फलंदाजांच्या खराब कामगिरीमुळे नेदरलँडचा संघ 39 धावांत सर्वबाद झाला. अॅडम झाम्पा ऑस्ट्रेलियाकडून चांगला खेळला. त्याने अवघ्या तीन षटकांत 4 बळी घेतले.
ऑस्ट्रेलियन संघाने रचला इतिहास
ऑस्ट्रेलिया संघाने नेदरलँडचा 309 धावांनी पराभव केला. वनडे विश्वचषकाच्या इतिहासातील कोणत्याही संघाचा हा सर्वात मोठा विजय आहे. याआधीही विश्वचषकातील सर्वात मोठ्या विजयाचा विक्रम ऑस्ट्रेलियन संघाच्या नावावर होता. त्यानंतर 2015 च्या वनडे वर्ल्ड कपमध्ये ऑस्ट्रेलियाने अफगाणिस्तानचा 275 धावांनी पराभव केला. ऑस्ट्रेलियन संघ विश्वचषकात ३०० हून अधिक धावांनी सामना जिंकणारा पहिला संघ ठरला आहे.