अमेरिकेतील टेक्सास येथील चर्चमध्ये रविवारी सकाळी झालेल्या गोळीबारामध्ये एकाचा मृत्यू झाला आहे, तर दुसरा जखमी झाला. पोलिसांनी ही माहिती दिली. स्मिथ काउंटी पोलीस कार्यालयाचे अधिकारी लॅरी ख्रिश्चन यांनी सांगितले की, ही घटना विनोनाजवळील स्टारव्हिल मेथोडिस्ट चर्चमध्ये घडली.
गोळीबारानंतर पळून गेलेल्या संशयिताला अटक करण्यात आल्याचे त्यांनी सांगितले. त्यांनी सांगितले की, पोलिसांना सकाळी ९.२० च्या सुमारास गोळीबाराची माहिती मिळाली होती.
त्यानंतर घटनास्थळी पोहोचलेल्या टीमने पाहिले की दोन जणांना गोळ्या लागल्या आहेत. त्यापैकी एकाचा मृत्यू झाला.