सध्या आशियाई क्रीडा स्पर्धा 2023 मध्ये टीम इंडियाचा सामना नेपाळशी होत आहे. या सामन्यात भारतीय कर्णधार रुतुराज गायकवाडने नाणेफेक जिंकून प्रथम फलंदाजी करण्याचा निर्णय घेतला, जो योग्य ठरला. भारताच्या वतीने यशस्वी जैस्वालने झंझावाती शतक झळकावत अनेक मोठे विक्रम आपल्या नावावर केले. शतकी खेळीसोबतच त्याने सूर्यकुमार यादवच्या विक्रमाची बरोबरी केली आहे.
यशस्वी जयस्वालने डावाच्या सुरुवातीपासूनच स्फोटक खेळ दाखवला. त्याने दमदार फटकेबाजी केली. आशियाई क्रीडा स्पर्धेतही त्याने आपला स्फोटक आयपीएल फॉर्म कायम ठेवला. जैस्वालने अवघ्या 48 चेंडूत आपले शतक पूर्ण केले. यासह, तो भारतासाठी टी-20 मध्ये सर्वात जलद शतक झळकावण्याच्या बाबतीत चौथ्या स्थानावर पोहोचला आहे. त्याने सूर्यकुमार यादवची बरोबरी केली आहे. सूर्याने 48 चेंडूत टी-20 शतकही ठोकले. भारतीय पुरुष क्रिकेट संघ प्रथमच आशियाई क्रीडा स्पर्धेत खेळत आहे. अशा परिस्थितीत यशस्वी जैस्वाल आशियाई क्रीडा स्पर्धेत शतक झळकावणारी पहिली भारतीय खेळाडू ठरली आहे.
Yashasvi Jaiswal has had a ball out there against Nepal!
Is an upset for the ages still on the cards? Or have India batted Nepal out of the game? #India #Cricket #AsianGames2023 #YashasviJaiswal #RinkuSingh #CricketTwitter pic.twitter.com/tL94JYVM2n
— Cricbuzz (@cricbuzz) October 3, 2023
भारतासाठी T20I मध्ये सर्वात जलद शतक झळकावणारे खेळाडू
- रोहित शर्मा- 35 चेंडू
- सूर्यकुमार यादव- 45 चेंडू
- केएल राहुल- 46 चेंडू
- यशस्वी जैस्वाल- 48 चेंडू
- सूर्यकुमार यादव- 48 चेंडू
नेपाळविरुद्ध, यशस्वी जैस्वालने 49 चेंडूंत 8 चौकार आणि 7 लांब षटकारांसह 100 धावा केल्या. त्याच्यामुळेच टीम इंडिया मोठी धावसंख्या गाठू शकली. टी-20 मध्ये शतक झळकावणारा तो भारताचा सर्वात तरुण फलंदाज ठरला आहे. त्याने वयाच्या 21 वर्षे 279 दिवसांत शतक केले आहे. त्याच्या आधी हा विक्रम शुभमन गिलच्या नावावर होता. गिलने 23 वर्षे 146 दिवसांच्या वयात T20I मध्ये शतक झळकावले.
भारतासाठी टी-20 मध्ये शतक झळकावणारा सर्वात तरुण फलंदाज
- यशस्वी जैस्वाल- 21 वर्षे 279 दिवस
- शुभमन गिल- 23 वर्षे 146 दिवस
- सुरेश रैना- 23 वर्षे 156 दिवस