Ashadhi Ekadashi Mahapooja 2022: आषाढी एकादशी निमित्त श्री विठ्ठल-रुक्मिणीची मुख्यमंत्र्यांच्या हस्ते सपत्नीक महापूजा

मुख्यमंत्री एकनाथ शिंदे (CM Eknath Shinde) यांच्या हस्ते पंढरपूर येथील श्री विठ्ठल-रुक्मिणी मंदिरात ( Shri Vitthal Rukimini Mandir at Pandharpur) आषाढी एकादशी (Ashadhi Ekadashi Mahapooja 2022) निमित्त परंपरेप्रमाणे शासकीय महापूजा पार पडली. मुख्यमंत्र्यांसोबत महापुजेचा मान शेतकरी मुरली नवले आणि त्यांच्या पत्नी जिजाबाई नवले यांना मिळाला. नवले कुटुंबीय हे पाठिमागील 20 वर्षांपासून वारी करत आहेत. तर मुख्यमंत्री शिंदे यांची ही पहिलीच शासकीय महापूजा आहे.

पंढरपूरमध्ये जाहीर झालेल्या निवडणुकांमुळे मुख्यमंत्र्यांची महापूजा कशी पार पडणार याबाबत उत्सुकता होती. मात्र, राज्य निवडणूक आयोगाने काही अटी व शर्तींवर ही महापूजा करण्यास संमती दिली. त्यामुळे कोणत्याही अडथळ्याविना ही पूजा पार पडली.

मुख्यमंत्री एकनाथ शिंदे हे पंढरपूर येथे शनिवारी रात्री उशिरा पंढरपूर येथे पोहोचले होते. या वेळी त्यांनी शासकीय विश्रामगृहात आयोजित करण्यात आलेल्या ‘पर्यावरणाची वारी, पंढरीच्या दारी’ या कार्यक्रमास उपस्थिती दर्शवली. त्यानंतर श्री विठ्ठल रुक्मिणी मंदिरामध्ये शासकीय महापुजेसाठी ते पहाटेटच उपस्थित राहिले.