VIDEO: मंदिरात शिरून दानपेटी फोडताना चोर सीसीटीव्हीत कैद; अमरोहा पोलिसांनी दिली ‘अशी’ प्रतिक्रिया
अमरोहा (उत्तर प्रदेश): सोशल मीडियावर सध्या एका चोरीचा व्हिडिओ चर्चेचा विषय ठरला आहे. यामध्ये एक चोर अत्यंत निवांतपणे मंदिरात चोरी करताना दिसत आहे. त्याने हाताचे ठसे उमटू नयेत म्हणून ग्लव्हज (हातमोजे) घातले होते, मात्र चेहऱ्यावर मास्क नसल्याने त्याचे रूप कॅमेऱ्यात स्पष्टपणे कैद झाले आहे. हा व्हिडिओ अमरोहा जिल्ह्यातील ‘अमरोहा देहात’ पोलीस ठाण्याच्या हद्दीतील एका मंदिराचा असल्याचे सांगितले जात आहे.
नेमकी घटना काय?
व्हिडिओमध्ये दिसते की, चोरटा मंदिरात प्रवेश करतो आणि तिथे असलेल्या दानपेटीकडे वळतो. तो दानपेटी जमिनीवर ठेवतो आणि एका लोखंडी सळीच्या (Rod) सहाय्याने तिचे कुलूप तोडतो. कुलूप तुटल्यानंतर तो पेटीतील सर्व रोख रक्कम काढून आपल्या खिशात भरतो. विशेष म्हणजे, सीसीटीव्ही कॅमेरा तिथे असल्याची त्याला कदाचित जाणीव नसावी, कारण त्याने आपला चेहरा लपवण्याचा कोणताही प्रयत्न केला नाही. ‘घर के कलेश’ नावाच्या एक्स (ट्विटर) हँडलवरून हा व्हिडिओ पोस्ट करण्यात आला आहे.
A young man caught on camera stealing money from the donation box inside a temple. The incident is from Amroha in UP.
pic.twitter.com/MEQGKevT5T— Ghar Ke Kalesh (@gharkekalesh) January 2, 2026
अमरोहा पोलिसांची तत्परता
हा व्हिडिओ व्हायरल झाल्यानंतर सोशल मीडिया युजर्सनी पोलिसांना टॅग करत कारवाईची मागणी केली. यावर अमरोहा पोलिसांनी अधिकृत प्रतिक्रिया दिली आहे. पोलिसांनी कमेंटमध्ये स्पष्ट केले की:
“या प्रकरणासंदर्भात अमरोहा देहात पोलीस ठाण्यात गुन्हा दाखल करण्यात आला आहे. सीसीटीव्ही फुटेजची तपासणी केली जात असून, लवकरच या घटनेचा पर्दाफाश केला जाईल. सध्या कायदेशीर कारवाई सुरू असून परिसरात कायदा आणि सुव्यवस्था सामान्य आहे.”
प्रकरण के सम्बंध में थाना अमरोहा देहात पर अभियोग पंजीकृत किया गया है । सीसीटीवी फुटेज का अवलोकन किया गया है । शीघ्र घटना का अनावरण किया जायेगा । अग्रिम वैधानिक कार्यवाही प्रचलित है । कानून एंव शांति व्यवस्था सामान्य है ।
— Amroha Police (@amrohapolice) January 2, 2026