Marvel Cinematic Studios (MCU) साठी एक आनंदाची बातमी आहे. Black Panther: Wakanda Forever चा पुढचा चित्रपट यावर्षी 11 नोव्हेंबरला प्रदर्शित होत आहे. सोमवारी निर्मात्यांनी या चित्रपटाचा ट्रेलर रिलीज केला, जो पाहिल्यानंतर चाहत्यांच्या मनात या चित्रपटाविषयीची उत्सुकता वाढली आहे. 2018 मध्ये रिलीज झालेल्या ‘ब्लॅक पँथर’ चित्रपटाचा हा दुसरा भाग आहे. दिवंगत अभिनेते चॅडविक बोसमॅनने त्या चित्रपटात ब्लॅक पँथरची भूमिका साकारली होती. मार्वलने आज ‘ब्लॅक पँथर: वाकांडा फॉरएव्हर’चा नवीन ट्रेलर आणि पोस्टर लाँच केला आहे, ज्याने सर्वांचे डोळे उघडले आहेत.
आज रिलीज झालेल्या ट्रेलरमध्ये मार्वलने चाहत्यांना नवीन ब्लॅक पँथरची ओळख करून दिली आहे, ज्यामुळे प्रेक्षकांची उत्सुकता वाढली आहे. समोर आलेल्या ट्रेलरच्या सुरुवातीला, वाकांडा त्याच्या टिचला म्हणजेच राजा अभिनेता चॅडविक बोसमनच्या अनुपस्थितीत संघर्ष करताना दाखवण्यात आला आहे. वाकांडाचे सर्व शत्रू तिचलाच्या देशाचा नाश करण्याचा प्रयत्न करीत आहेत आणि ते वाकांडाच्या लोकांशी युद्धाची तयारी करत आहेत. नवीन ब्लॅक पँथर सोबत, ट्रेलरमध्ये एका नवीन खलनायकाची धमाकेदार एंट्री देखील दर्शविली आहे, ज्याचा धोका वाकांडावर आहे. अशा परिस्थितीत आणखी एक ब्लॅक पँथर आपला देश वाचवण्यासाठी सज्ज झाला आहे. असं या ट्रेलरमध्ये दाखवण्यात आलं आहे.
ट्रेलरमध्ये संपूर्ण अॅक्शनची झलक पाहायला मिळत आहे. यासोबतच एक नवा सुपरहिरोही पाहायला मिळत आहे. ब्लॅक पँथर म्हणजेच चेडविक बोसमनच्या मृत्यूनंतर आता त्याची बहीण वाकांडातील लोकांचे रक्षण करेल असा अंदाज वर्तवला जात आहे. ट्रेलरमध्ये वाकांडाच्या राजकारणाची आणि रणनीतीचीही झलक पाहायला मिळते.