T20 World Cup 2022: भारताचे सर्व सामने थिएटरमध्येही पाहता येतील, 25 शहरांमध्ये मिळणार सुविधा

T20 World Cup 2022: 2022 च्या टी-20 विश्वचषकाचा बिगुल वाजणार आहे. टी-20 विश्वचषकासाठी सर्व संघ सज्ज झाले आहेत. त्याचबरोबर प्रेक्षकही क्रिकेटच्या या महाकुंभाची आतुरतेने वाट पाहत आहेत. अशा परिस्थितीत टी-20 विश्वचषकापूर्वी भारतीय प्रेक्षकांसाठी मोठी बातमी समोर आली आहे. वास्तविक, यंदाच्या T20 विश्वचषकात भारतीय संघाचे सर्व सामने प्रेक्षकांना थिएटरमध्ये बसूनही पाहता येणार आहेत.

T20 विश्वचषक 2022 च्या आधी क्रिकेट चाहत्यांसाठी मोठी आनंदाची बातमी समोर आली आहे. यावेळी तुम्हाला भारतीय संघाचे विश्वचषकातील सर्व सामने टीव्ही, मोबाईल व्यतिरिक्त थिएटरमध्ये पाहता येणार आहेत. यासाठी मल्टीप्लेक्स कंपनी आयनॉक्सने आयसीसीशी करार केला आहे. या करारानुसार भारतीय संघाचे विश्वचषकादरम्यानचे सर्व सामने थिएटरमध्ये दाखवले जातील. याशिवाय उपांत्य आणि अंतिम सामनाही थिएटरमध्ये प्रसारित केला जाईल.

आयनॉक्स कंपनीने सांगितले की, आमच्याकडे भारतातील जवळपास 25 शहरांमध्ये स्क्रीन आहेत, जिथे भारताच्या टी-20 वर्ल्ड कप 2022 चे सर्व सामने थेट प्रक्षेपित केले जातील. कंपनीच्या या घोषणेनंतर आता क्रिकेट चाहत्यांचे विश्वचषक मोठ्या पडद्यावर पाहण्याचे स्वप्न पूर्ण होणार आहे. त्याचबरोबर टीव्ही आणि मोबाईलशिवाय चाहत्यांना थिएटरमध्ये बसून वर्ल्डकपचा ​​आनंद लुटता येणार असून भारतीय संघाचा जल्लोषही करता येणार आहे.

ऑस्‍ट्रेलियामध्‍ये होणार्‍या टी-20 विश्‍वचषक 2022मध्‍ये भारतीय संघाचा प्रवास 23 ऑक्‍टोबरपासून सुरू होणार आहे. भारतीय संघ पहिल्याच सामन्यात पाकिस्तानशी भिडणार आहे. दोन्ही संघांमधील हा शानदार सामना मेलबर्न क्रिकेट स्टेडियमवर होणार आहे.

टी-20 विश्वचषकात भारतीय संघाचे सामने 

भारत विरुद्ध पाकिस्तान, 23 ऑक्टोबर, दुपारी 1.30 वाजता (मेलबर्न)
भारत विरुद्ध गट अ उपविजेता, 27 ऑक्टोबर, दुपारी 12.30 वाजता (सिडनी)
भारत विरुद्ध दक्षिण आफ्रिका, 30 ऑक्टोबर, दुपारी 4.30 (पर्थ)
भारत विरुद्ध बांगलादेश, 2 नोव्हेंबर, दुपारी 1.30 वाजता (अ‍ॅडलेड)
भारत विरुद्ध गट ब विजेता, 6 नोव्हेंबर, दुपारी 1.30 वाजता (मेलबर्न)

T20 विश्वचषकासाठी भारतीय संघ

रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (विकेटकीपर), दिनेश कार्तिक (विकेटकीपर), हार्दिक पंड्या, आर.के. अश्विन, युझवेंद्र चहल, अक्षर पटेल, भुवनेश्वर कुमार, हर्षल पटेल, अर्शदीप सिंग.
स्टँडबाय खेळाडू: मोहम्मद शमी, श्रेयस अय्यर, रवी बिश्नोई, दीपक चहर