‘गंगुबाई काठियावाडी’ Gangubai Kathiawadi मधून आपल्या अभिनयाची छाप पाडणारी आलिया भट्ट Alia Bhatt आता आपल्या हॉलिवूड पदार्पणासाठी Hollywood Debut सज्ज झाली आहे. आलिया भट्ट नेटफ्लिक्सच्या Netflix ‘हार्ट ऑफ स्टोन’ (Heart Of Stone) मधून हॉलिवूडमध्ये पदार्पण करणार आहे. यामध्ये ती ‘वंडर वुमन’ (Wonder Women) स्टार गॅल गडोतसोबत (Gal Gadot) काम करताना दिसणार आहे.
या चित्रपटातून आलिया भट्ट ग्लोबल पदार्पण करणार आहे. बॉलिवूडमध्ये आपला ठसा उमटवल्यानंतर आलिया आता हॉलिवूडमध्येही आपली जादू दाखवण्यासाठी सज्ज झाली आहे. ‘हार्ट ऑफ स्टोन’ बद्दल बोलायचे तर, हा एक स्पाय थ्रिलर चित्रपट असणार आहे, ज्यामध्ये ‘५० शेड्स ऑफ ग्रे’ स्टार जेमी डोर्नन देखील आहे.
View this post on Instagram
संजय लीला भन्साळी दिग्दर्शित गंगुबाई काठियावाडी हा आलिया भट्टचा न्यू रिलीज चित्रपट आहे. गंगूबाई काठियावाडीला प्रेक्षकांकडून मिळणाऱ्या प्रचंड प्रेमामुळे आलिया भट्ट आणि संजय लीला भन्साळी खूप खूश आहेत. ‘गंगूबाई काठियावाडी’ ने कोरोना महामारीनंतर रिलीज होणाऱ्या चित्रपटांमध्ये भरघोस ओपनिंग मिळवत तिसरे स्थान पटकावले आहे. आलियाचा हा चित्रपट नुकतंच १०० कोटी क्लबमध्ये समाविष्ट झाला आहे.