Ali Fazal First Look From Mirzapur Season 3 : Amazon Prime Video ची लोकप्रिय वेब सिरीज ‘मिर्झापूर’ ला प्रेक्षकांचे भरभरून प्रेम मिळाले. मिर्झापूरच्या दोन्ही सीझनला खूप चांगला प्रतिसाद मिळाला. चाहते आता ‘मिर्झापूर सीझन 3’ (Mirzapur Season 3) ची वाट पाहत आहेत. चाहत्यांचा हा उत्साह आता अली फजल उर्फ गुड्डू भैयाने वाढवला आहे. अली फजलने काळ्या रंगाच्या हुडीमध्ये स्वतःचा एक फोटो शेअर केला असून त्यासोबत त्याने कॅप्शनमध्ये फॅन आर्ट लिहिले आहे. विशेष म्हणजे या फोटोसोबत ‘मिर्झापूर 3’ कमिंग सून असे लिहिले आहे ज्यामुळे चाहत्यांचा उत्साह आणखी वाढला आहे.
या पोस्टरमध्ये, जिथे गुड्डू भैया काळ्या रंगाचा हुडी परिधान केलेला दिसत आहे, तिथे या वेब सीरिजच्या सर्व पात्रांची नावे देखील पोस्टरवर लिहिली आहेत. या पोस्टरवर मुन्ना भैया, कलेन भैया, बौजी ही सर्व नावे दिसत आहेत. मागच्या भिंतीवर बुलेट दिसत आहेत आणि मिर्झापूर 3 सोबत कमिंग सून असे लिहिले आहे.
View this post on Instagram
‘मिर्झापूर’ सीझन 3 मध्ये कालिन भैया मुलगा मुन्नाच्या हत्येमुळे खूप संतापलेला दिसणार आहे, तर दुसरीकडे गुड्डू भैय्या पूर्वीपेक्षा अधिक भयावह दिसणार आहे. या सीझनमध्ये पंकज त्रिपाठी उर्फ कलेन भैया आणि गुड्डू भैया यांच्यात जबरदस्त लढत पाहायला मिळणार आहे. एकंदरीत सीझन 3 मध्ये पूर्वीपेक्षा जास्त ड्रामा पाहायला मिळणार आहे.
या ऑगस्टपर्यंत ‘मिर्झापूर’ सीझन 3 चे शूटिंग संपणार असल्याच्या बातम्या येत होत्या. त्याच वेळी, ‘मिर्झापूर’ सीझन 3 च्या रिलीजबद्दल अशी बातमी देखील आली होती की ते या वर्षी नव्हे तर पुढील वर्षी 2023 मध्ये अॅमेझॉन प्राइमवर स्ट्रीम केले जाईल. मात्र, अद्याप Amazon Prime कडून याबाबत कोणतीही अधिकृत घोषणा करण्यात आलेली नाही.