सलग सहाव्या दिवशीही अहमदनगर पेरियार पँथर्सचा झंझावात सुरूच

सलग सहाव्या दिवशीही अहमदनगर पेरियार पँथर्सचा झंझावात सुरूच.

अहमदनगर पेरियार पँथर्स विरुद्ध पुणे पलानी टस्कर्स यांच्यात आजच्या दिवसाची तिसरी लढत झाली. अहमदनगर पेरियार पँथर्स संघाने जोरदार खेळ करत पुणे पलानी टस्कर्स संघावर दोन लोन पडत मध्यंतरा पर्यत 24-12 अशी भक्कम आघाडी घेतली.

मध्यंतरापूर्वीच शिवम पटारे ने आपला सलग सहावा सुपर टेन करत सुपर कामगिरी केली. अभिषेक पवार ने 6 पकडी करत हाय फाय तर अजित पवार ने 4 पकडी करत महत्वाची भूमिका निभावली. मध्यंतरानंतरही पुणेच्या खेळाडू संघर्ष करताना दिसत होते.

अहमदनगर पेरियार पँथर्स संघाने 43-22 असा विजय मिळवत स्पर्धेतील सहावा विजय साजरा केला. अहमदनगर कडून शिवम पटारे ने 15 गुण मिळवले तर प्रफुल झावरे ने 5 गुण मिळवत त्याला चांगली साथ दिली. पुणे संघाकडून आर्यन राठोड, भूषण तपकिर व योगेश अक्षुमनी ने चांगला खेळ केला.

बेस्ट रेडर- शिवम पटारे, अहमदनगर पेरियार पँथर्स
बेस्ट डिफेंडर- अभिषेक पवार, अहमदनगर पेरियार पँथर्स
कबड्डी का कमाल- प्रफुल झावरे, अहमदनगर पेरियार पँथर्स