के. एम. पी. युवा कबड्डी सिरीज पहिल्या दिवशी झालेला तिसरा सामना पालघर काझीरंगा रहिनोस विरुद्ध अहमदनगर पेरियार पँथर्स यांच्यात झाला. सुरुवातीपासून दोन्ही संघांनी सावध सुरुवात केली. ४-४ असा खेळ सुरू असताना पालघरच्या राहुल सवार, प्रेम मंडल यांनी आक्रमक खेळ करत अहमदनगर पेरियार पँथर्स संघाला ऑल आऊट केले.
पालघर काझीरंगा रहिनोस मिळालेली ११-०५ आघाडी जास्त वेळ टिकवता आली नाही. अहमदनगर पेरियार पँथर्स कडून शिवम पटारेने आक्रमक चढाया करत सामन्यांत चुरस वाढवली. मध्यंतरापर्यत १७-१४ अशी पालघर काझीरंगा रहिनोस कडे आघाडी होती.
अहमदनगर पेरियार पँथर्स संघाने ३९-३१ असा विजय मिळवत गुणतालिकेत खाता उघडला. अहमदनगरच्या शिवम पटारे ने संपूर्ण सामन्यांत १५ गुण मिळवत सुपर टेन पूर्ण करत आपली छाप पाडली. प्रफुल झावरे ने सुद्धा सुपर टेन पूर्ण केला. तर अहमदनगर संघाची बचावफळी अभिषेक पवारने सांभाळली. त्याने हाय फाय पूर्ण करत ५ पकडी केल्या. पालघर काझीरंगा रहिनोसच्या राहुल सवर ने एकाकी झुंज दिली त्याला बाकी खेळाडूंची साथ मिळाली नाही.
● बेस्ट रेडर – प्रफुल झावरे, अहमदनगर पेरियार पँथर्स
● बेस्ट डिफेंडर – अभिषेक पवार, अहमदनगर पेरियार पँथर्स
● कबड्डी का कमाल – शिवम पटारे, अहमदनगर पेरियार पँथर्स