आदित्य ठाकरेंच्या अडचणी वाढणार; किरीट सोमय्यांनी पत्र लिहून मुख्यमंत्र्यांकडे केली चौकशीची मागणी

मुंबई : मढ मार्वेच्या 1000 कोटींचा स्टुडिओ घोटाळ्या प्रकरणी (1000 crore studio scam of Madh Marve) काँग्रेसचे नेते अस्लम शेख (aslam shaikh) अडचणीत सापडले आहे. आता भाजपचे नेते किरीट सोमय्या यांनी शिवसेनेचे नेते आदित्य ठाकरे (aditya thackery) यांच्यावरही निशाणा साधला आहे. आदित्य ठाकरे यांच्या भूमिकेचीही चौकशी करा, अशी मागणी सोमय्यांनी पत्राद्वारे मुख्यमंत्री एकनाथ शिंदे यांच्याकडे केली आहे.

मढ मार्वेच्या 1000 कोटींचा स्टुडिओ घोटाळ्या प्रकरणी किरीट सोमय्या यांनी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांना पत्र लिहिले आहे.

मी मुख्यमंत्री एकनाथ शिंदे, उप मुख्यमंत्री देवेंद्र फडणवीस यांना पत्र लिहून

“₹1000 कोटींच्या मढ स्टुडिओ घोटाळ्यात, MVA सरकारचे पालकमंत्री अस्लम शेख आणि पर्यावरण मंत्री आदित्य ठाकरे आणि BMC व पर्यावरण अधिकारी यांचा भूमिकेची चौकशी ताबडतोब सुरू करावी मागणी केली@BJP4Maharashtra pic.twitter.com/YIi2Z7onAC

— Kirit Somaiya (@KiritSomaiya) September 6, 2022

किरीट सोमय्या यांनी ट्वीट करत ही माहिती दिली आहे. त्यांनी ट्वीट मध्ये म्हटलं की, मी मुख्यमंत्री एकनाथ शिंदे, उप मुख्यमंत्री देवेंद्र फडणवीस यांना पत्र लिहून “₹1000 कोटींच्या मढ स्टुडिओ घोटाळ्यात, MVA सरकारचे पालकमंत्री अस्लम शेख आणि पर्यावरण मंत्री आदित्य ठाकरे आणि BMC व पर्यावरण अधिकारी यांचा भूमिकेची चौकशी ताबडतोब सुरू करावी अशी मागणी केली आहे.

किरीट सोमय्या यांनी केलेल्या या मागणीमुळे आता शिवसेना आणि सोमय्या वाद पुन्हा एकदा उफाळून येण्याची शक्यता आहे.