मुंबई : अभिनेत्री राखी सावंत सध्या वाईट काळातून जात आहे. नुकतेच त्यांच्या आईचे निधन झाले. त्यानंतर आता तिच्या पतीने तिची फसवणूक केली आणि तिला दुसऱ्या मुलीसाठी सोडले. इतकंच नाही तर आदिलने लग्न स्वीकारण्यासही नकार दिला आहे. आता राखीने आदिलविरोधात तक्रार दाखल केली असून, त्यानंतर मुंबई पोलिसांनी आदिलला अटक केली आहे.
ड्रामा क्वीन राखी सावंतने तिचा पती आदिल दुर्राणीविरुद्ध मुंबईच्या ओशिवरा पोलीस ठाण्यात तक्रार दाखल केली असून, त्याने तिचे पैसे आणि दागिने घेतल्याचा आरोप केला आहे. पोलिसांनी आदिल दुर्रानी विरुद्ध आयपीसी कलम 406 आणि 420 अंतर्गत एफआयआर दाखल केला आहे. आदिल दुर्राणी याला मुंबई पोलिसांनी ताब्यात घेतले आहे.
राखी सावंत पुन्हा एकदा तिच्या लग्नामुळे चर्चेत आली आहे. राखीने आदल्या दिवशी पती आदिल खानच्या मैत्रिणीचे नाव उघड केले आहे. त्यानंतर आदिलनेही राखीच्या सर्व आरोपांना एका व्हिडिओमध्ये उत्तर दिले, पण त्याचा राखीवर विशेष परिणाम झाला नाही. पुन्हा एकदा राखीने पती आदिलच्या गर्लफ्रेंडबद्दल खुलासा केला आहे. राखी तिच्या पतीबद्दल मीडिया आणि पापाराझींसमोर वक्तव्ये करत असते.
याआधीही एकदा राखी सावंतने तिच्या लग्नाचे फोटो सोशल मीडियावर शेअर केले होते तेव्हा आदिलने या लग्नाकडे पाठ फिरवली होती. मात्र काही दिवसांनी तो राखीसोबत दिसला आणि दोघांनीही सांगितले की आता सर्व काही ठीक आहे. राखीच्या आईच्या मृत्यूच्या एक दिवस आधीच आदिल हॉस्पिटलमध्ये पोहोचला होता. पण त्यानंतर अचानक त्यांच्या विभक्त झाल्याची बातमी समोर आली.