दाक्षिणात्य अभिनेता रवी तेजा सध्या त्याच्या आगामी ‘टायगर नागेश्वरा राव’ या चित्रपटामुळे चर्चेत आहे. या चित्रपटाचा ट्रेलर रिलीज झाला असून, चाहत्यांमध्ये त्याची प्रचंड उत्सुकता आहे. सध्या रवी तेजा बॉलीवूड आणि हिंदी प्रेक्षकांमध्ये या चित्रपटाचे जोरदार प्रमोशन करत आहे. तसेच अभिनेत्री क्रिती सेनॉनची बहीण नुपूर सेननही या चित्रपटातून साऊथमध्ये डेब्यू करत आहे. येथे रवी तेजाचा एक व्हिडिओ व्हायरल होत आहे ज्यामध्ये तो बॉलिवूड दिवा शिल्पा शेट्टीसोबत डान्स करत आहे. रवी आणि शिल्पा शेट्टीचा हा डान्स व्हिडिओ चाहत्यांना खूप आवडला आहे.
रवी तेजा लवकरच टीव्ही रिअॅलिटी शो ‘इंडियाज गॉट टॅलेंट सीझन 10’ मध्ये पाहुणे म्हणून सहभागी होणार आहे. त्याच्यासोबत अभिनेत्री नुपूर सेननही असणार आहे. शोमध्ये येण्यापूर्वी अभिनेत्याने शोची होस्ट शिल्पा शेट्टीसोबत एक रील व्हिडिओ शेअर केला आहे. व्हिडिओमध्ये रवी तेजा आणि शिल्पा शेट्टी टायगर नागेश्वर रावच्या हिट गाण्याचे हुक स्टेप करताना दिसत आहेत. पिवळ्या रंगाच्या साडीत शिल्पा खूपच सुंदर दिसत आहे.
View this post on Instagram
रवी तेजाचा आगामी चित्रपट टायगर नागेश्वर राव याने प्रेक्षकांचे लक्ष वेधून घेतले आहे. वामसी दिग्दर्शित या अॅक्शन-थ्रिलरमध्ये अनुपम खेर, जिशू सेनगुप्ता आणि रेणू देसाई यांच्या भूमिका आहेत. चित्रपटाची कथा 1970 च्या दशकातील एका कुख्यात डाकूभोवती फिरते. हा चित्रपट 20 ऑक्टोबरला प्रदर्शित होत आहे. हिंदी प्रेक्षकांमध्येही या चित्रपटाची प्रचंड क्रेझ आहे.
इंडियाज गॉट टॅलेंट 10 मध्ये किरण खेर, शिल्पा शेट्टी आणि रॅपर बादशाह जज म्हणून दिसणार आहेत. दरवेळेप्रमाणेच यावेळीही हा शो दुहेरी मनोरंजन करणारा असणार आहे. अभिनेता अर्जुन बिजलानी हा शो होस्ट करत आहे.