सोलापूर – वारकऱ्यांच्या दिंडीच्या ट्रॅक्टरला झालेल्या भीषण अपघातात सुमारे चार वारकऱ्यांचा मृत्यू झाला आहे. तर सहा वारकरी जखमी झाले आहेत. अपघातामधील सर्व वारकरी हे तुळजापूर तालुक्यामधी कदमवाडी येथील रहिवाशी आहे. सोलापूर-पुणे राष्ट्रीय महामार्गावरील कोंडीनजिक भरधाव वेगात असलेल्या एका मालवाहू ट्रकने वारकऱ्यांच्या ट्रॅक्टर ट्रॉलीला जोरदार धडक दिल्याने हा भीषण अपघात झाला आहे.
या घटनेबाबत मिळालेल्या माहितीनुसार तुळजापूर तालुक्यातील कदमवाडी गावातील ५० ते ५५ वारकरी एकादशीनिमित्त पंढरपूरला जात होते. मात्र, त्याची ट्रॅक्टर ट्रॉली कोंडीजवळ आली असता समोरून भरधाव येणाऱ्या मालवाहू ट्रकने ट्रॉलीला जोरात धडक दिली. या धडकेनंतर ही ट्रॅक्टर ट्रॉली सुमारे ६०० फूट अंतरापर्यंत फरफटत गेली इतका हा अपघात भीषण होता. या अपघातात ४ वारकऱ्यांचा मृत्यू झाला. तर, ६ वारकरी जखमी झाले आहेत.
अद्याप या अपघातातील मृतांची नावे समजली नाहीत. तसेच जखमींमध्ये समावेश असलेल्या एका किशोरवयीन मुलासह चार महिलांचीही समोर आली नाहीयत. राम शिंदे (वय ३०), मच्छिंद्र गोरे (वय ५६), आनंद मिसाळ (वय ६०), समाधान शिवाजी कदम (वय ४०),मंदा कदम (वय ५०), सुलभा साळुंखे (वय ५०), आकाश किसन गिरी (वय ६५), जयश्री साळुंखे (वय ५०), नागनाथ साळुंखे (वय ४०), समर्थ साळुंखे (वय १६), निर्मला कदम (वय ४०), शीतल शिंदे (वय ३५), शुभम अंकुश शिंदे (वय १५), समर्थ अंगद मिसाळ (वय ६) अशी ओळख पटलेल्या अन्य जखमींची नावे आहेत.
अपघातातील मृत आणि जखमी असे सर्वजण वारकरी सांप्रदायातील असून तुळजापूर तालुक्यातील कदमवाडी येथील राहणारे आहेत.