आधार कार्ड हा महत्त्वाचा दस्तावेज मानला जातो. कोणत्याही योजनेचा लाभ घेण्यासाठी किंवा पुरावा म्हणून आधार कार्ड सादर करणं गरजेचं आहे. त्यामुळे आधार कार्डवरील माहिती अपडेट असणं गरजेचं आहे. तुमच्या आधार कार्डवरील माहिती किंवा घरचा पत्ता जर अपडेट नसेल किंवा जर तुम्ही अद्याप तो अपडेट केला नसेल तर ही बातमी तुमच्यासाठी महत्त्वाची आहे. कारण यूआयडीएआयने आधारकार्डवरील माहिती अपडेट करण्यासाठी 14 मार्चपर्यंत मुदत दिली आहे. 14 मार्चपर्यंत तुम्ही ही माहिती मोफत अपडेट करू शकता. या कालावधीत तुमच्याकडून कोणतंही शुल्क घेतलं जाणार नाही, असं सूत्रांनी सांगितलं आहे. आधार कार्डावरील पत्ता अपडेट करण्याची प्रक्रिया नेमकी कशी आहे, ते सविस्तर जाणून घेऊया.
आधारकार्डधारकांना या कार्डवरची माहिती नि:शुल्क अपडेट करण्यासाठी यूनिक आयडेंटिफिकेशन ऑथरिटी ऑफ इंडियाकडून संधी देण्यात आली आहे. 14 मार्चपर्यंत या कामासाठी कार्डधारकांना कोणतंही शुल्क भरावं लागणार नाही. आधारकार्ड हा महत्त्वाचा दस्तऐवज असून, त्याची केव्हाही गरज पडू शकते. अशा वेळी त्यावरची माहिती अपडेट असणं गरजेचं आहे. याच अनुषंगाने यूआयडीएआयनं भारतीय नागरिकांना त्यांचा आधार कार्डवरचा पत्ता अपडेट करण्यासाठी एक पर्याय उपलब्ध करून दिला आहे. आता हे काम अगदी घरबसल्या करता येणार आहे. जर तुम्ही हे काम दोन आठवड्यांनंतर केलं तर तुम्हाला यासाठी फी भरावी लागू शकते. पण हे काम 14 मार्चपूर्वी केलं तर त्यासाठी पैसे द्यावे लागणार नाहीत.