Aadhaar Card Update : आधार कार्डबाबत मोठे अपडेट! ‘या’ तारखेपर्यंत आधार कार्ड फुकटात अपडेट करता येणार

Aadhaar Card Update : युनिक आयडेंटिफिकेशन ऑथॉरिटी ऑफ इंडिया (UIDAI) द्वारे आधार कार्ड मोफत अपडेट करण्याची अंतिम तारीख 14 सप्टेंबर 2024 निश्चित करण्यात आली होती, परंतु आता त्याची तारीख वाढवण्यात आली आहे. UIDAI ने आधारच्या मोफत अपडेटची शेवटची तारीख बदलली आहे, ज्यामुळे वापरकर्त्यांना आधारमध्ये नाव, पत्ता, जन्मतारीख इत्यादी बदलण्यासाठी आणखी काही महिने आहेत.

 

UIDAI ने आपल्या अधिकृत X खात्याद्वारे माहिती दिली आहे की, आधार मोफत अपडेट करण्याची अंतिम तारीख 14 सप्टेंबर ते 14 डिसेंबर 2024 पर्यंत वाढवण्यात आली आहे. अशा परिस्थितीत, आधारवरून नाव, पत्ता किंवा जन्मतारीख यासारखी माहिती अपडेट करण्यासाठी तुमच्याकडे काही महिने आहेत. मात्र, यानंतर तुम्हाला आधार अपडेट करण्यासाठी शुल्क भरावे लागेल. आधार कार्ड मोफत अपडेट कसं करता येणार? घ्या जाणून

आधार कार्ड मोफत अपडेट कसं करता येणार?

जर तुम्हाला आधार कार्ड मोफत अपडेट करायचे असेल, तर तुम्ही यासाठी ऑनलाइन प्रक्रियेचा अवलंब करू शकता. यासाठी तुम्हाला UIDAI (MyAadhaar Portal) च्या अधिकृत वेबसाइटवर जावे लागेल. सर्वात सोपा मार्ग म्हणजे तुमच्या फोनमध्ये आधार ॲप म्हणजेच MyAadhaar ॲप डाउनलोड करणे आणि त्याद्वारे तुमचे नाव, पत्ता किंवा जन्मतारीख आधारमध्ये मोफत अपडेट करा. तुम्ही 14 डिसेंबर 2024 पर्यंत आधार कार्डची मोफत सेवा घेऊन आधार कार्ड अपडेट करू शकता.