अहमदनगर पेरियार पँथर्स विरुद्ध रायगड मराठा मार्वेल्स यांच्यात आज दुसरी लढत झाली. सुरुवातीला संथ खेळ सुरू असताना शिवम पटारे ने आक्रमक चढाया करत रायगड संघावर लोन पडला. प्रफुल झावरे ने सुपर रेड करत 18-8 अशी आघाडी मिळवून दिली. शिवम पटारेने चढाईत 9 व्या गुण मिळवत स्पर्धेत चढाईत 50 गुण पूर्ण केले.
अहमदनगर संघाने 28-12 अशी मध्यंतरापर्यत आघाडी घेत चौथ्या विजयाच्या दिशेने वाटचाल करत होता. शिवम पटारे ने स्पर्धेतील सलग चौथा सुपर टेन पूर्ण केला. अहमदनगरच्या चढाईपटू समोर रायगड संघाच्या बचावफळीचा टिकाव लागू शकला नाही. रायगड संघाकडून रुतिक पाटील चांगकी टक्कर देत होता. त्याने अष्टपैलू खेळाचे प्रदर्शन केले.
अहमदनगर संघाने 40-26 असा रायगड संघावर विजय मिळवला. शिवम पटारे व प्रफुल झावरे यांनी सुपर टेन करत विजय सोपा केला. तर बचावपटू अजित पवारने हायफाय पूर्ण करत पकडीत 5 गुण मिळवले. रायगडच्या रुतिक पाटीलची अष्टपैलू खेळी व्यर्थ ठरली.
बेस्ट रेडर- शिवम पटारे, अहमदनगर पेरियार पँथर्स
बेस्ट डिफेडर- अजित पवार, अहमदनगर पेरियार पँथर्स
कबड्डी का कमाल- रुतिक पाटील, रायगड मराठा मार्वेल्स