भोपाळ: आईने ओरडल्यामुळे संतप्त झालेल्या तीन वर्षांच्या मुलाने आपल्या वडिलांसह मध्य प्रदेशातील बुरहानुपर जिल्ह्यातील पोलीस ठाणे गाठले. रविवारी सोशल मीडियावर एक व्हिडिओ समोर आला ज्यामध्ये मुलाने त्याच्या आईविरोधात पोलिस ठाण्यात पोलिस उपनिरीक्षक प्रियांका नायक यांच्याकडे तक्रार केली. क्लिप व्हायरल झाल्यानंतर, मध्य प्रदेशचे गृहमंत्री नरोत्तम मिश्रा यांनी मंगळवारी व्हिडिओ कॉल करून मुलाला काय हवे आहे ते विचारले आणि दिवाळीला त्याला चॉकलेट आणि सायकल पाठवण्याचे आश्वासन दिले.
त्याच वेळी, मुलाच्या वडिलांचे म्हणणे आहे की त्याला आंघोळ केल्यावर कपाळावर काळे टिक्का लावायचा नव्हता, यासाठी त्याला आईने फटकारले होते. यानंतर मुलाने आईविरुद्ध तक्रार करण्याचा आग्रह धरल्याने अखेर वडिलांनी त्याला जवळच्या पोलीस चौकीत नेले.तो चिमुकला रविवारी वडिलांसह बुरहानुपर येथील दादतलाई पोलीस चौकीत गेले, तेथे एवढ्या लहान मुलाला पाहून चौकीच्या प्रभारी प्रियांका नायक यांची उत्सुकता जागी झाली. त्यांनी पेन आणि कागद काढून मुलाची संपूर्ण तक्रार लिहून घेतली.
व्हायरल व्हिडीओमध्ये, मुलाने त्याच्या आईने त्याच्या कॅडीज चोरल्याचा दावा करताना ऐकले आहे. त्याचवेळी नायक यांनी संपूर्ण तक्रार लिहून घेतल्यावर मुलाला सही करायला लावली तेव्हा तीन वर्षांच्या निरागसाने काही तिरकस रेषा काढल्या.