Sachin Tendulkar Statue: वानखेडे स्टेडियमवर क्रिकेटविश्वात विक्रमांची नोंद करणारा मास्टर ब्लास्टर सचिन तेंडुलकरचा पुतळा बसवण्यात येणार आहे. क्रिकेटचा देव म्हटल्या जाणाऱ्या सचिनच्या होम ग्राऊंडवर हा पुतळा बसवण्यात येणार आहे. वृत्तांवर विश्वास ठेवला तर भारतात होणाऱ्या एकदिवसीय विश्वचषकादरम्यान या पुतळ्याचे अनावरण केले जाईल. त्याचबरोबर सचिनच्या 50 व्या वाढदिवसालाच या पुतळ्याचे अनावरण केले जाऊ शकते, असेही बोलले जात आहे.
सचिन तेंडुलकरच्या 24 एप्रिलच्या वाढदिवसादिवशी या पुतळ्याचे अनावरण केले जाऊ शकते, असा दावा काही अहवालात केला जात आहे, परंतु या माहितीची पुष्टी झालेली नाही. दुसरीकडे, मुंबई क्रिकेट असोसिएशनच्या अधिकाऱ्यांचे म्हणणे आहे की 2023 च्या एकदिवसीय विश्वचषकादरम्यान या पुतळ्याचे अनावरण केले जाईल. नुकताच सचिन तेंडुलकरनेही त्याचा पुतळा बसवलेल्या जागेला भेट दिली आहे. त्यांच्यासोबत पत्नी अंजली तेंडुलकर आणि मुंबई क्रिकेट असोसिएशनचे अधिकारीही उपस्थित होते.
#WATCH | Mumbai: On his life-size statue being erected inside Wankhede stadium by MCA, Cricket legend Sachin Tendulkar says, “Pleasant surprise. My career started here. It was a journey with unbelievable memories. Best moment of my career came here when we won 2011 World Cup…” pic.twitter.com/OAHPP7QkSB
— ANI (@ANI) February 28, 2023
सचिन तेंडुलकरचे रेकॉर्ड
- सचिन तेंडुलकरने एकूण 200 कसोटी सामने खेळले आहेत
- सचिनने एकूण 463 एकदिवसीय सामने खेळले आहेत
- सचिनने आंतरराष्ट्रीय क्रिकेटमध्ये 34357 धावा केल्या आहेत
- 100 शतके करणारा सचिन हा जगातील एकमेव खेळाडू आहे
सचिन तेंडुलकरचा 50 वा वाढदिवस
सचिन तेंडुलकर 24 एप्रिल 2023 रोजी 50 वर्षांचा होईल आणि मुंबई क्रिकेट असोसिएशनला त्याचा 50 वा वाढदिवस संस्मरणीय बनवायचा आहे. एमसीएच्या एका अधिकाऱ्याने सांगितले की, सचिन तेंडुलकर हा भारतरत्न असून त्याने क्रिकेटसाठी जे काही केले ते इतिहासाच्या पानांमध्ये सुवर्ण अक्षरांनी लिहिलेले आहे. एमसीएच्या या उपक्रमाला सचिन तेंडुलकरनेही मान्यता दिली आहे. मंगळवारी स्वतः सचिन तेंडुलकरने घटनास्थळाची पाहणी केली. यावेळी त्यांनी या उपक्रमाबद्दल आनंद व्यक्त केला आणि माझ्यासाठी हे आश्चर्यकारक असल्याचे सांगितले. येथूनच माझ्या करिअरची सुरुवात झाली. माझा क्रिकेट प्रवास अविश्वसनीय क्षणांनी भरलेला आहे. माझ्या कारकिर्दीतील सर्वोत्तम क्षण आला जेव्हा आम्ही 2011 चा एकदिवसीय विश्वचषक जिंकला.