डोंबिवली मधील पूर्व भागातील इंदिरा चौकात सोमवारी रात्री एका प्रवाशाला एका रिक्षा चालकाकडून लाथाबुक्की आणि बांबूच्या काठीने बेदम मारहाण करण्यात आली. वाढीव भाडे देण्यास प्रवाशा कडून नकार देण्यात आल्यामुळे रिक्षा चालकाने हा धक्कादायक प्रकार केल्याची माहिती समोर आली आहे.
इंदिरा चौकातील सीसीटीव्ही फुटेजमध्ये हा मारहाणीचा प्रकार कैद झाला आहे. कल्याण, डोंबिवलीमध्ये रिक्षा चालकांची दादागिरी वाढली आहे. अनेक रिक्षा चालक अल्पवयीन, गणवेश न घालता प्रवासी वाहतूक करताना दिसत आहेत.
आरटीओ, वाहतूक विभागाकडून अशा रिक्षा चालकांची माहिती काढून त्यांचे परवाने रद्द करण्याची मागणी प्रवाशांकडून जोर धरू लागली आहे.
Corona Virus: सावधान…! कोरोना पुन्हा येतोय, राज्यात 24 तासांत एवढे रुग्ण सापडले