जळगाव – सरकीने भरलेला आयशर दुचाकीवर उलटला. त्याखाली दाबले गेल्यामुळे दुचाकीवरील माय- लेकी जागीच ठार झाल्याची धक्कादायक घटना घडली आहे. बाप व मुलगा जखमी झाले असून त्यांना रुग्णालयात दाखल करण्यात आले आहे. ही घटना सोमवारी सकाळी १० वाजता चोपडा अमळनेर रस्त्यावर घडली आहे.
उज्ज्वला जगदीश मोतीराळे (वय – ३२) आणि नेहा जगदीश मोतीराळे (वय – ११, रा.मामलदे ता. चोपडा) अशी ठार झालेल्या माय- लेकींची नावं आहेत. तयार जखमी जगदीश भिमराव मोतीराळे (४२) व बावीन जगदीश मोतीराळे (१०) यांच्यावर चोपडा येथील उपजिल्हा रुग्णालयामध्ये वैद्यकीय अधिकारी डॉ. तृप्ती पाटील यांनी उपचार केले आहेत. नंतर दोघांना खाजगी रुग्णालयामध्ये हलविण्यात आले आहे. याबाबत चोपडा शहर पोलीस ठाण्यामध्ये गुन्हा दाखल करण्याचे काम सुरू आहे.