Kandivali Building Fire: मुंबईतील कांदिवली परिसरात आग लागल्याची घटना समोर आली आहे. कांदिवली येथील 23 मजली एसआरए इमारतीला सोमवारी सकाळी भीषण आग लागली. इमारतीच्या 13व्या मजल्यावर ही आग लागली. या आगीच्या घटनेत कोणीही जखमी झाल्याचे वृत्त नाही ही दिलासादायक बाब आहे. आगीची माहिती मिळताच अग्निशमन दलाचे अधिकारी व कर्मचारी घटनास्थळी दाखल झाले. यासोबतच अग्निशमन दलाच्या गाड्याही घटनास्थळी दाखल झाल्या आहेत.
त्यानंतर इमारतीला लागलेली आग आटोक्यात आणण्यासाठी अग्निशमन दलाच्या कर्मचाऱ्यांकडून शर्थीचे प्रयत्न सुरू असून परिस्थिती नियंत्रणात आहे. यापूर्वी डोंबिवलीत आग लागल्याची घटना समोर आली होती. डोंबिवलीतील एका बहुमजली निवासी इमारतीला आग लागली. मुंबईतील डोंबिवली परिसरात असलेल्या लोढा फेज 2 खोना एस्ट्रेला टॉवरमध्ये ही आग लागली. या आगीमुळे इमारतीच्या पाच ते सहा मजल्यांची गॅलरी जळून खाक झाली.
Maharashtra | Fire breaks out in the 23rd-storey building in the Kandivali area of Mumbai. Fire tenders are present at the spot. Further details awaited: Mumbai Fire Department.
— ANI (@ANI) January 15, 2024
शॉर्ट सर्किटमुळे आग लागली
मात्र, इमारतीत फक्त तिसऱ्या मजल्यापर्यंत लोक राहत होते, ही सर्वात मोठा दिलासा देणारी बाब होती. इमारतीला आग लागल्यानंतर लगेचच येथे राहणाऱ्या लोकांना सुखरूप बाहेर काढण्यात आले. मिळालेल्या माहितीनुसार, शॉर्ट सर्किटमुळे इमारतीला आग लागली. आग इतकी भीषण होती की काही वेळातच ती वरच्या मजल्यापर्यंत पसरली.