बुलढाणा येथील समृद्धी महामार्ग द्रुतगती मार्गावर भीषण अपघात झाला आहे. येथे एका बसला लागलेल्या आगीत 26 प्रवाशांचा मृत्यू झाला आहे. बसमध्ये एकूण 33 प्रवासी होते. बुलढाणा जिल्ह्यातील सिंदखेडराजाजवळील पिंपळखुटा गावाजवळ समृद्धी महामार्गावर हा अपघात झाला. प्रवासी बस नागपूरहून पुण्याकडे जात होती. मध्यरात्री हा अपघात झाला. बसमध्ये नागपूर, वर्धा, यवतमाळ येथील प्रवासी उपस्थित होते.
अपघात कसा झाला?
समृद्धी महामार्गावर सिंदखेडराजाजवळील पिंपळखुटा गावाजवळ बस रस्त्याच्या दुभाजकावर आदळली आणि नंतर पेट घेतला. डिझेलच्या संपर्कात येताच बसने पेट घेतला. बचावलेल्यांमध्ये चालक आणि वाहकाचा समावेश आहे. दरम्यान, जखमींना जवळच्या शासकीय रुग्णालयात दाखल करण्यात आले आहे.
#WATCH | Maharashtra: Visuals from Samruddhi Mahamarg expressway in Buldhana where 26 people died and 8 others were injured after a bus travelling from Nagpur to Pune met with an accident. pic.twitter.com/3JTRLzKuZH
— ANI (@ANI) July 1, 2023
बस प्रथम लोखंडी खांबाला धडकली. यानंतर बस उलटली. बसच्या दारातून कोणीही बाहेर पडू शकत नव्हते. बचावलेले प्रवासी गाडीच्या खिडक्या तोडून बाहेर पडले. पोलिस आणि घटनास्थळी उपस्थित असलेल्या लोकांनी दिलेल्या माहितीनुसार, बस प्रथम नागपूर-औरंगाबाद मार्गावर उजव्या बाजूला असलेल्या लोखंडी खांबाला धडकली.
बसचे नियंत्रण सुटून वाहतूक मार्गावरील काँक्रीटच्या दुभाजकाला धडकून बस उलटली. बस डाव्या बाजूला उलटली, त्यामुळे बसचा दरवाजा खाली राहीला. अशा परिस्थितीत लोकांना बाहेर पडण्याचा मार्गच उरला नव्हता.
मृतांच्या नातेवाईकांना मुख्यमंत्री सहायता निधीतून प्रत्येकी 5 लाख रुपयांची मदत मुख्यमंत्री एकनाथ शिंदे यांनी जाहीर केली आहे.
बुलढाणा जिल्ह्यातील सिंदखेडराजाजवळ समृद्धी महामार्गावर खाजगी बसच्या झालेल्या भीषण अपघाताबद्दल मुख्यमंत्री एकनाथ शिंदे यांनी तीव्र दुःख व्यक्त केले आहे. या अपघातातील मृत आणि त्यांच्या कुटुंबिंयांप्रति सहवेदना प्रकट करुन या दुर्दैवी घटनेतील मृतांच्या नातेवाईकांना मुख्यमंत्री…
— CMO Maharashtra (@CMOMaharashtra) July 1, 2023
या अपघातावर विरोधी पक्षनेते अजित पवार यांनी शोक व्यक्त केला आहे.
नागपूरहून पुण्याला येणाऱ्या खासगी ट्रॅव्हल्स बसला समृध्दी महामार्गावर बुलढाणा – सिंदखेडराजा येथे अपघात होऊन २५ हून अधिक प्रवाशांचा होरपळून मृत्यू झाल्याची बातमी अत्यंत दुःखद, वेदनादायी आहे. समृध्दी महामार्गावर बसचा टायर फुटल्यानं बस दुभाजक व खांबाला धडकली आणि बसनं पेट घेतला. या…
— Ajit Pawar (@AjitPawarSpeaks) July 1, 2023