हैदराबाद – तेलंगणामध्ये (Telangana) मोठी दुर्घटना घडली आहे. हैदराबादमध्ये ( fire broke out in a scrap shop in Bhoiguda Hyderabad) एका लाकडाच्या गोदामाला भीषण आग लागल्याची घटना समोर आली आहे. या आगीमध्ये 11 जणांचा मृत्यू झाल्याची माहिती समोर आली आहे. या भीषण दुर्घटनेमध्ये 1 जण बचावला आहे.
मिळालेल्या माहितीनुसार, हैदराबादमधील भोईगुडा परिसरामध्ये ही घटना घडली आहे. या परिसरात असलेल्या एका लाकडाच्या गोदामाला आज पहाटे भीषण आग लागली.
लाकडाचा मोठा साठा असल्या कारणाने काही क्षणात आगीचा मोठा भडका उडाला. बघता बघता संपूर्ण गोदाम आगीच्या भक्षस्थानी सापडले. दरम्यान यावेळी गोदामात असलेले १२ कर्मचारी आगीत सापडले होते. त्यापैकी ११ जणांचा आगीत होरपळून मृत्यू झाल्याची धक्कादायक माहिती समोर आली आहे. तर एक जण सुखरुप बचावला आहे.
Telangana | 11 people died after a fire broke out in a scrap shop in Bhoiguda, Hyderabad
Out of 12 people, one person survived. DRF reached the spot to douse the fire. A shock circuit could be the reason for the fire. We are investigating the matter: Mohan Rao, Gandhi Nagar SHO pic.twitter.com/PMTIDa5ilg
— ANI (@ANI) March 23, 2022
आगीची माहिती समजताचंअग्निशमन दलाच्या गाड्यांनी घटनास्थळी धाव घेतली. आग विझवण्याचे काम अजूनही युद्धपातळीवर सुरू आहे. शॉटसर्किटमुळे आग लागल्याचा प्राथमिक अंदाज व्यक्त करण्यात आला आहे. एकाच वेळी आगीत ११ जणांचा मृत्यू झाल्यामुळे परिसरामध्ये हळहळ व्यक्त केली जात आहे. अग्निशमन आणि रुग्णावाहिका घटनास्थळी दाखल आहे.