नवले पुलाजवळ आपघातांची मालिका ही सुरच आहे. शनिवारी रात्री एका कंटेनरचा ब्रेक फेल झाल्यामुळे कंटेनरने तीन ते चार वाहनांना उडवल्याची बातमी समोर आली आहे. यात या वाहनांचे मोठ्या प्रमाणात नुकसान झाले आहे.
कंटेनर चालक पंकज महापात्रे (वय ५७) याला सिंहगड पोलिसांकडून अटक करण्यात आली आहे. पोलिसांकडून देण्यात आलेल्या माहितीनुसार, शिरवळवरून फ्रिज आणि इतर साहित्य घेऊन एक कंटेनर पुण्याच्या दिशेने जात होता. हा कंटेनर नवले ब्रिज जवळ आला असता येथील भुमकर चौकामध्ये या कंटेनरचे ब्रेक फेल झाले. यामुळे कंटेनरने चार ते पाच वाहनांना उडवलं. गर्दीच्या वेळी कंटेनरचे ब्रेक फेल झाल्यामुळे नवले पुलाजवळील परिसरात गोंधळ उडाला.