आंध्र प्रदेशातून शबरीमाला मंदिराकडे भाविकांना घेऊन जाणाऱ्या बसला अपघात झाला. केरळमधील पथनमथिट्टा येथे बस पलटी होऊन दरीत कोसळली. अपघाताची माहिती मिळताच जिल्हा प्रशासनाचे अधिकारी मदत आणि बचाव कार्यात गुंतले. क्रेनच्या मदतीने बस बाहेर काढण्यात आली आहे. या बसमध्ये 44 यात्रेकरू होते, त्यापैकी 20 हून अधिक प्रवासी जखमी झाल्याची माहिती जिल्हा प्रशासनाकडून देण्यात आली आहे. सर्व जखमींना जवळच्या रुग्णालयात दाखल करण्यात आले आहे.
त्याचवेळी या अपघातामुळे 8 वर्षाच्या मुलासह तीन भाविकांची प्रकृती गंभीर असल्याचे सांगण्यात येत आहे. गंभीर जखमी झालेल्या यात्रेकरूंना कोट्टायम मेडिकल कॉलेज हॉस्पिटलमध्ये पाठवण्यात आले आहे. यासोबतच केरळच्या आरोग्य मंत्री वीणा जॉर्ज याही घटनास्थळी हजर आहेत.
Kerala | A bus, carrying 44 Sabarimala pilgrims from Andhra, met with an accident near Laha in Pathanamthitta. All injured have been admitted to hospital. Three people, including an 8-yr-old boy, shifted to Kottayam Medical College hospital. Health min Veena George is at the spot pic.twitter.com/8HXeU91JDa
— ANI (@ANI) November 19, 2022
अपघातानंतर लगेचच स्थानिक लोक मदत आणि बचाव कार्यात सहभागी झाले. त्याचवेळी अपघातानंतर काही वेळातच पोलीस, अग्निशमन दलाचे जवान आणि जिल्हा प्रशासनाचे इतर कर्मचारीही मदत आणि बचाव कार्यात गुंतले आहेत. घटनास्थळी पोहोचलेल्या आरोग्य मंत्री वीणा जॉर्ज यांनी यात्रेकरूंवर बचाव कार्य आणि पुढील उपचारासाठी व्यवस्था करण्याच्या सूचना दिल्या आहेत. अपघातस्थळी जिल्हाधिकाऱ्यांसह अनेक वरिष्ठ अधिकारी उपस्थित होते.