Video: संजय राऊत यांच्या ताफ्यावर फेकली चप्पलने भरलेली पिशवी, ‘नारायण राणे जिंदाबाद’च्या घोषणा
शिवसेना नेते संजय राऊत यांच्या ताफ्यात एका व्यक्तीने चप्पलने भरलेली पिशवी फेकल्याने गोंधळ उडाला. यावेळी बॅग फेकणाऱ्या व्यक्तीने नारायण राणे जिंदाबादच्या घोषणाही दिल्या.
सोलापूर : शिवसेनेचे (उद्धव बाळसाहेब ठाकरे) नेते संजय राऊत यांच्या ताफ्यावर एका व्यक्तीने चप्पलने भरलेली पिशवी फेकल्याची घटना सोलापूरमध्ये समोर आली आहे. प्रत्यक्षदर्शींनी दिलेल्या माहितीनुसार, चप्पल फेकल्यानंतर नारायण राणे जिंदाबादच्या घोषणा देण्यात आल्या आणि घटना घडवणाऱ्या व्यक्तीने तेथून पळ काढला.
संजय राऊत यांच्या ताफ्यावर चप्पल फेकणाऱ्या व्यक्तीने आपले नाव सागर शिंदे असल्याचे उघड केले असून तो नारायण राणेंचा समर्थक आणि भाजपचा कार्यकर्ता असल्याचे सांगितले आहे. राऊत यांनी नारायण राणेंसह पंतप्रधान मोदी आणि देवेंद्र फडणवीस यांच्यावर ज्याप्रकारे विनाकारण भाष्य केले त्यामुळे मला राग आल्याचे या तरुणाने सांगितले. त्यामुळेच त्यांनी हे पाऊल उचलले.
काय आहे संपूर्ण प्रकरण?
आज शिवसेना उद्धव ठाकरे गटाचे नेते संजय राऊत सोलापूर येथील एका हॉटेलचे उद्घाटन करून परतत होते. दरम्यान, त्यांच्या ताफ्यावर चप्पलने भरलेली पिशवी फेकण्यात आली. ज्या व्यक्तीने ही बॅग फेकली त्या व्यक्तीने नारायण राणे झिंदाबादच्या घोषणा दिल्याचे बोलले जात आहे. यानंतर हे लोक घटनास्थळावरून पळून गेले.
पेढे वाटा पेढे!
शेणक्यांचा बाप संजय राऊत याच्या गाडीवर वाळे जिल्हा सोलापूर इथे जनतेने चप्पला फेकल्या.
या घटनेचा मी घणघोर णीषेध करतो की त्यांनी नेम धरुन चप्पल संज्याला का मारली नाही. pic.twitter.com/0OuO6HHJ9N
— मंगेश राठोड 🇮🇳🚩 (@mangeshspa_) December 10, 2023
Aadhar Card: आधार कार्ड बनवण्याच्या नियमात सरकारने केला ‘हा’ मोठा बदल
नुकतंच नितेश राणे यांनी निशाणा साधला होता
नुकतेच महाराष्ट्र भाजपचे नेते नितेश राणे यांनी शिवसेना, यूबीटी नेते संजय राऊत आणि काँग्रेसवर निशाणा साधला होता. काँग्रेसने देश बुडवण्याचे काम केले आहे. त्यामुळे जनतेने भाजपचा नव्हे तर काँग्रेसमुक्त भारताचा नारा दिला. मात्र आता उद्धव ठाकरेंच्या सेनेतील लोकांनी संजय राऊत फ्री यूबीटीचा नारा दिला आहे. अगदी आदित्य ठाकरे आणि त्यांची नाईट गँगही संजय राऊतला कंटाळली आहे. असं नितेश राणे म्हणाले होते.