पुण्यातील पिंपरी-चिंचवडमधील मोशी येथील कचरा प्रक्रिया प्रकल्पात घडलेल्या भीषण दुर्घटनेत मृतांचा आकडा ९ वर पोहोचला आहे. रविवारी पहाटे बचाव पथकांनी शेवटच्या बेपत्ता व्यक्तीचा मृतदेह ढिगाऱ्यातून बाहेर काढल्यानंतर तब्बल ८४ तास चाललेले शोध व बचावकार्य अखेर पूर्ण झाले.
ही दुर्घटना कचऱ्याचा प्रचंड ढिगारा घसरून प्रकल्पाच्या प्रशासकीय इमारतीवर कोसळल्याने घडली. दुर्घटनेच्या वेळी इमारतीत अनेक कर्मचारी उपस्थित होते. काही जणांना सुरक्षित बाहेर काढण्यात यश आले, मात्र नऊ जणांचा दुर्दैवी मृत्यू झाला. बचावकार्यात एनडीआरएफ, अग्निशमन दल, पोलीस आणि महापालिकेची यंत्रणा सलग चार दिवस कार्यरत होती.
दुर्घटनेनंतर या प्रकल्पातील सुरक्षा व्यवस्थेवर प्रश्नचिन्ह निर्माण झाले असून, नेमके कारण शोधण्यासाठी चौकशी सुरू करण्यात आली आहे. मुसळधार पावसामुळे कचऱ्याचा ढिगारा कोसळल्याची प्राथमिक शक्यता व्यक्त केली जात असली, तरी प्रशासनाकडून सर्व बाजूंनी तपास केला जात आहे.