तुम्ही केंद्रीय कर्मचारी असाल तर तुमच्यासाठी एक आनंदाची बातमी आहे. कारण सरकारने देशातील 50 लाखांहून अधिक कर्मचारी आणि पेन्शनधारकांच्या डीएचा मसुदा तयार केला आहे. केंद्रीय मंत्रिमंडळाची बैठक 18 ऑक्टोबरला होणार आहे. ज्यामध्ये महागाई भत्त्यात वाढ जाहीर केली जाईल. वाढीव भत्ता ऑक्टोबरच्या पगारात जोडला जाणार असल्याचे सांगण्यात येत आहे. मात्र, अद्याप कोणतीही अधिकृत घोषणा करण्यात आलेली नाही. केंद्रीय मंत्रिमंडळाच्या बैठकीनंतरच काही सांगता येईल. मात्र भत्त्यात वाढ करण्याचा मसुदा तयार करण्यात आल्याचा दावा सूत्रांनी केला आहे. फक्त घोषणा होणे बाकी आहे…
4 टक्के वाढ होईल
सध्या कर्मचाऱ्यांना 42 टक्के महागाई भत्ता दिला जात आहे. भत्त्यात वाढ जुलै महिन्यात होणार होती. मात्र काही कारणांमुळे महागाई भत्ता वाढू शकला नाही. आता 18 ऑक्टोबर रोजी म्हणजेच आज होणाऱ्या मंत्रिमंडळाच्या आर्थिक घडामोडी समितीच्या बैठकीत 4 टक्के भत्ता वाढीची घोषणा होणार असल्याची माहिती आहे. त्यानंतर केंद्रीय कर्मचाऱ्यांचा महागाई भत्ता 46 टक्क्यांपर्यंत वाढणार आहे. याआधी कर्मचाऱ्यांच्या महागाई भत्त्यात वाढ करण्याच्या प्रस्तावाला अर्थ मंत्रालयाने मंजुरी दिली आहे. भत्ता किती वाढणार? आजच्या बैठकीत याची घोषणा होऊ शकते. Rohit Sharma: विश्वचषक 2023 दरम्यान रोहित शर्माने घेतला मोठा निर्णय