पश्चिम बंगालच्या उत्तर 24 परगणा जिल्ह्यात मंगळवारी रेल्वे ट्रॅकवर झालेल्या बॉम्बस्फोटात एका 7 वर्षाच्या मुलाचा मृत्यू झाला. त्याचवेळी या अपघातात अन्य 2 जण जखमी झाले आहेत. अपघाताबाबत माहिती देताना एका पोलीस अधिकाऱ्याने सांगितले की, ही घटना मंगळवारी सकाळी 8.30 च्या सुमारास कोलकात्यापासून 30 किमी अंतरावरील भाटपारा येथील काकीनारा आणि जगद्दल स्थानकांदरम्यानच्या रेल्वे ट्रॅकवर घडली.
पोलिसांनी सांगितले की, मुलगा त्याच्या दोन मित्रांसह रेल्वे ट्रॅकजवळ सापडलेल्या पाकिटाशी खेळत होता. यादरम्यान अचानक स्फोट झाला. माहिती मिळताच भाटपारा येथील भाजप आमदार पवन सिंह घटनास्थळी पोहोचले. यासोबतच जीआरपी आयसी बासुदेब मलिकही घटनास्थळी पोहोचले. सूत्रांनी दिलेल्या माहितीनुसार, जखमींपैकी एका मुलाला कोलकाता येथे आणण्यात आले आहे.
North 24 Parganas, WB | Child dies due to explosion near railway tracks in Bhatpara
A child died, another child & a woman injured & admitted to hospital in a blast that happened today. Bomb disposal team called, 1 live bomb found. Probe on: S Pandey, DC North Zone, Barrackpore pic.twitter.com/IB3xb5jbQN
— ANI (@ANI) October 25, 2022
एका पोलीस अधिकाऱ्याचे म्हणणे आहे की, हा बॉम्ब रेल्वे ट्रॅकवर बदमाशांनी ठेवला होता. मुले बॉम्बशी बॉल म्हणून खेळू लागली, तेव्हाच त्याचा स्फोट झाला. ते म्हणाले की, तीन मुलांपैकी एकाला रुग्णालयात नेल्यानंतर मृत घोषित करण्यात आले. जखमी मुलांवर उपचार सुरू आहेत. सध्या पोलीस या प्रकरणाचा तपास करत आहेत.