चंदीगड – पंजाबच्या लुधियानामध्ये मंगळवारी रात्री उशिरा एक धक्कादायक घटना घडली आहे. येथील टिब्बा रोडवरील महापालिकेच्या कचरा डंप यार्डजवळ बांधलेल्या झोपडपट्टीला लागल्यामुळे एकाच कुटुंबातील 7 जणांचा होरपळून मृत्यू झाला आहे. 19 एप्रिल रोजी दुपारी दीडच्या दरम्यान ही घटना घडली.
माहिती मिळताच अग्निशमन दल आणि पोलिसांचे पथक घटनास्थळी दाखल झाले. अग्निशमन दलाने तातडीने आग विझवली आणि झोपडीमधून 7 मृतदेह बाहेर काढले. या अपघातामध्ये जीव गमावलेले कुटुंब हे परप्रांतीय मजूर असून, ते दुणे रोडवरील महापालिकेच्या कचरा डंप यार्डजवळ एका झोपडीमध्ये राहत होते.
पोलिसांनी मृतांची ओळख पटवली असून, मृतांमध्ये पती-पत्नी आणि त्यांच्या पाच मुलांचा समावेश आहे. हे कुटुंब बिहारमधील समस्तीपूर जिल्ह्यामधील रहिवासी होते. सुरेश साहनी (55), पत्नी अरुणा देवी (52), मुली राखी (15), मनीषा (10), गीता (8), चंदा (5) आणि सनी (2) अशी मृत झालेल्यांची नावे आहेत. परप्रांतीय कुटुंबातील मोठा मुलगा राजेश हा मित्राच्या घरी झोपायला गेल्यामुळे तो या अपघातातुन बचावला. राजेशनेच त्याच्या कुटुंबीयांची माहिती पोलिसांना दिली.