Cristiano Ronaldo: एका आठवड्यात 5 कोटी पगार घेणारा रोनाल्डो आता 3500 रुपयांत खेळणार?
पोर्तुगालचा कर्णधार आणि महान फुटबॉल खेळाडू ख्रिस्तियानो रोनाल्डो आज म्हणजेच 24 नोव्हेंबर रोजी फिफा विश्वचषकातील मोहिमेला सुरुवात करणार आहे. आंतरराष्ट्रीय स्तरावर रोनाल्डो हा त्याच्या संघाचा सर्वात मोठा स्टार आहे पण त्याच्या व्यावसायिक कारकिर्दीत त्याला वाईट दिवस येत आहेत. बेरोजगार झालेल्या रोनाल्डोला एका क्लबने त्याच्यासोबत सहभागी होण्याची ऑफर दिली आहे. मात्र ही ऑफर तुम्हाला आश्चर्यचकित करणारी आहे.
रोनाल्डो गेल्या आठवड्यापर्यंत मँचेस्टर युनायटेडशी संबंधित होता. मात्र, त्याच्या वादग्रस्त मुलाखतीनंतर क्लबने त्याच्यासोबतचा करार मोडण्याचा निर्णय घेतला. रोनाल्डो सध्या कोणत्याही क्लबशी संबंधित नाही. पण रोनाल्डोला खरोखरच इतके वाईट दिवस आले आहेत का की त्याला 3500 रुपये (एका आठवड्याची कमाई) क्लबसाठी खेळावे लागले आहे?
रोनाल्डोला एफसी क्रेवे या 14 स्तरीय नॉन-लीग क्लबने ऑफर दिली आहे. ते या खेळाडूला प्रत्येक आठवड्यासाठी 35 पौंड म्हणजेच सुमारे 3500 रुपये देण्यास तयार आहे. क्लबच्या मते, ही त्यांची आतापर्यंतची सर्वात महागडी ऑफर आहे. त्यांनी ट्विट करून याबाबत माहिती दिली. रोनाल्डो जेव्हा मँचेस्टर युनायटेडकडून खेळायचा तेव्हा त्याला दर आठवड्याला पाच लाख पौंड म्हणजेच सुमारे पाच कोटी रुपये मिळत असे. याआधी त्याची रियाल माद्रिदमधील कमाईही कोटींमध्ये होती. अवघ्या 3500 रुपयांची ऑफर पाहून चाहत्यांना हसण्यासोबतच धक्का बसला आहे.
View this post on Instagram
गेले काही दिवस रोनाल्डोसाठी चांगले गेले नाहीत. ब्रिटीश पत्रकार पियर्स मॉर्गनच्या वादग्रस्त मुलाखतीनंतर त्याला क्लब सोडावा लागला. त्याचबरोबर इंग्लंडच्या फुटबॉल असोसिएशनने चाहत्याशी गैरवर्तन केल्याप्रकरणी त्याच्यावर दोन सामन्यांची बंदी आणि 50 हजार डॉलर्सचा दंड ठोठावला आहे. तो आता कोणत्या क्लबमध्ये सामील होणार, हे विश्वचषकानंतर निश्चित होणार आहे.