पालघर जिल्ह्यातील विरारमध्ये एका 12 वर्षीय मुलीवर झालेल्या सामूहिक बलात्कारप्रकरणी तिघांना अटक करण्यात आली आहे. एका पोलीस अधिकाऱ्याने ही माहिती दिली आहे. विरार पोलिस ठाण्याचे वरिष्ठ निरीक्षक सुरेश वराडे यांनी सांगितले की, मंगळवारी सकाळी मुलीवर सामूहिक बलात्कार झाला. मोठी बाब म्हणजे अटक करण्यात आलेल्या तीन आरोपींमध्ये एका महिलेचाही समावेश आहे.
सर्व आरोपी 20 ते 22 वयोगटातील – पोलीस
अटक करण्यात आलेल्यांमध्ये एका महिलेचाही समावेश असून सर्व आरोपी 20 ते 22 वयोगटातील असल्याचे वरिष्ठ निरीक्षक सुरेश वराडे यांनी सांगितले. आरोपी महिलेने मुलीला एका निर्जन ठिकाणी नेले जेथे नंतर तिचे तीन मित्र आले होते. त्यापैकी दोघांनी मुलीवर बलात्कार केला तर तिसऱ्याने तिचा विनयभंग केला.
Maharashtra | Three people (1 woman & 2 men) have been arrested in connection with the rape of a minor girl in Virar area of Palghar dist. One of the accused is absconding, search underway. Case registered against 4 people, further investigation has been started: Virar Police
— ANI (@ANI) August 19, 2022
वराडे यांच्या म्हणण्यानुसार, पीडितेने बुधवारी तक्रार दाखल केली, त्यानंतर तीन आरोपींना अटक करण्यात आली, तर चौथ्याला पकडण्याचे प्रयत्न सुरू आहेत.