26/11: 23 गोळ्या लागलेल्या असतानाही तुकाराम ओंबळे यांनी कसाबला जिवंत पकडले, जाणून घ्या तुकाराम ओंबळेंबद्दल

26/11 Mumbai Terror Attacks: मुंबईतील दहशतवादी हल्ल्याला आज 14 वर्षे पूर्ण झाली आहेत. 2008 मध्ये याच दिवशी पाकिस्तानातून समुद्रमार्गे आलेल्या 10 दहशतवाद्यांनी देशाची आर्थिक राजधानी मुंबईत रक्तरंजित खेळ खेळला होता. या हल्ल्यात अनेक निष्पाप मारले गेले. या अतिरेक्यांमधला सर्वात भयंकर दहशतवादी अजमल कसाब होता, ज्याने रक्तपाताचा एवढा रक्तरंजित खेळ खेळला की सारे जग थक्क झाले. कसाब हा एकमेव पाकिस्तानी दहशतवादी होता जो त्या दहशतवादी हल्ल्यांमध्ये जिवंत पकडला गेला होता.

दहशतवादी कसाबला जिवंत पकडण्यासाठी अनेक प्रयत्न झाले पण तो पुन्हा पुन्हा चकमा देत होता. सरतेशेवटी, मुंबई पोलिसांत सहायक निरीक्षक म्हणून रुजू झालेल्या तुकाराम ओंबळे यांनी केवळ एका काठीच्या सहाय्याने त्याला पकडले. मुंबईच्या डीबी मार्ग पोलिसांना सकाळी दहाच्या सुमारास सीएसटी येथे दोन अतिरेक्यांनी अवजड शस्त्रास्त्रांसह प्रवाशांना लुटले असून वाहनाच्या साहाय्याने रस्त्यावर दहशत निर्माण करत असल्याची माहिती मिळाली.

माहिती मिळताच मरीन ड्राईव्हवर बॅरिकेडिंग करण्यासाठी डीबी मार्गावरून 15 पोलिसांना चौपाटीच्या दिशेने पाठवण्यात आले. पोलिसांना पाहताच दहशतवाद्यांनी त्यांचे वाहन बॅरिकेडिंगच्या 40 ते 50 फूट आधी थांबवले आणि यू-टर्न घेतला, मात्र पोलिसांच्या तत्परतेमुळे दहशतवाद्यांना पळता आले नाही आणि त्यांनी चारही बाजूंनी घेरले. यादरम्यान पोलिसांना सर्व दहशतवाद्यांना जिवंत पकडायचे होते पण दहशतवाद्यांनी गोळीबार केला आणि पोलिसांनीही प्रत्युत्तर दिले ज्यात एक दहशतवादी मारला गेला.

ओंबळे यांनी कसाबला असे पकडले

दहशतवाद्यांनी मुंबईवर हल्ला केल्यानंतर ओंबाळे यांना वॉकी-टॉकीवरून संदेश आला. दहशतवादी चौपाटीच्या दिशेने अंदाधुंद गोळीबार करीत निघाले आहेत. हल्ला झाला तेव्हा वेळी ओंबाळे चौपाटीवर ड्यूटीवर होते. ओंबाळे व आणखी एक सहकारी चौपाटीवर पोहोचले. त्यावेळी कसाब व त्याच्या साथीदारांची गोळीबार करीत गाडी येत होती. जेव्हा कसाब व त्याचे साथीदार इतर ठिकाणी हल्ला करून चौपाटीवर आले त्यावेळी ओंबाळे यांनी कसाबला पकडण्याचा प्रयत्न केला. मात्र, कसाबच्या साथीदाराने ओंबाळे यांच्यावर गोळ्या झाडल्या. मात्र त्यावेळी कसाबला टाकून त्याचे इतर साथीदार गाडीतून पळून गेले. या हल्ल्यात दहशतवाद्यांना कडवा लढा देऊन त्यांचा प्रतिकार माघारी परतवण्यात मोठी भूमिका बजावली ती पोलिस उपनिरीक्षक तुकाराम ओंबाळे यांनी. ओंबाळे यांनी चौपाटीवरच प्राण सोडला मात्र त्यांच्यामुळेच कसाबला जिवंत पकडण्यात यश आले.