Sagar Dhankar Murder Case: सागर धनकर हत्येप्रकरणी कुस्तीपटू आणि दोन वेळा ऑलिम्पिक विजेता सुशील कुमार याच्यावर दिल्ली न्यायालयाने आरोप निश्चित केले आहेत. सुशील कुमार यांच्यासह 17 जणांवरही आरोप निश्चित करण्यात आले आहेत. दिल्लीच्या रोहिणी न्यायालयाने सुशील कुमारसह 18 जणांवर खून, हत्येचा प्रयत्न, दंगल, बेकायदेशीरपणे जमाव जमवणे तसेच अन्य कलमांखाली गुन्हेगारी कट रचल्याप्रकरणी दोषी ठरवले आहे.
याशिवाय या प्रकरणातील फरार असलेल्या दोन आरोपींवरही न्यायालयाने आरोप निश्चित केले आहेत. 2021 मध्ये, 4-5 मे च्या रात्री, सुशील कुमार त्याच्या काही सहकाऱ्यांसह दिल्लीच्या छत्रसाल स्टेडियममध्ये पोहोचला आणि कुस्तीपटू सागर धनखरशी लढला. या घटनेत सागर गंभीर जखमी झाला आणि नंतर त्याचा मृत्यू झाला. घटनेनंतर सुशील कुमार फरार झाला असून 17 दिवसांनी त्याला अटक करण्यात आली आहे. दिल्लीच्या स्पेशल सेल टीमने सुशील कुमार आणि इतरांना अटक केली. सध्या सुशील कुमार आणि खून प्रकरणातील आरोपी तिहार तुरुंगात बंद आहेत.
A Delhi Court frames charges u/s of murder, attempt to murder, rioting, unlawful assembly & other sections incl criminal conspiracy against Olympian Sushil Kumar & 17 others in junior wrestler Sagar Dhankar murder case. Court has also framed charges against 2 absconding accused. pic.twitter.com/xhOuiaIWJ8
— ANI (@ANI) October 12, 2022
सागर धनखर खून प्रकरणात 20 आरोपी
सागर धनखर हत्या प्रकरणात दिल्ली पोलिसांनी सुशील कुमारसह 20 जणांना आरोपी बनवले होते. त्यापैकी 2 आरोपी अद्याप फरार असून 18 आरोपींना पोलिसांनी अटक केली आहे. पोलीस अद्याप फरार आरोपींचा शोध घेत आहेत. दिल्लीतील मॉडेल टाऊन भागात एका फ्लॅटवरून कुस्तीपटू सुशील कुमार आणि सागर धनखर यांच्यात बाचाबाची झाली होती. त्यानंतर प्रकरण हाणामारीवर आले आणि सागर धनखरचा मृत्यू झाला.
सागर धनखर यांच्या मारहाणीचा व्हिडिओ सोशल मीडियावर प्रचंड व्हायरल झाला होता. ज्यामध्ये सुशील कुमार हातात काठी धरलेला दिसत होता. या व्हिडिओमध्ये सागर धनखर जमिनीवर पडलेला दिसत आहे. नंतर पोस्टमॉर्टम रिपोर्टमध्ये सागरचा मृत्यू डोक्याला मार लागल्याने झाल्याचे स्पष्ट झाले. या घटनेत सागरचा मृत्यू झाला असून अन्य दोन जण जखमी झाले आहेत.