आजच्या काळात हृदयविकाराचा धोका खूप वाढला आहे. इंदूरमध्ये 16 वर्षीय विद्यार्थिनी शाळेत मैत्रिणींसोबत खेळत असताना अचानक हृदयविकाराचा झटका आला आणि या चिमुरडीने इतक्या लहान वयात जगाचा निरोप घेतला, मात्र तिच्या डोळ्यांनी इतरांच्या आयुष्यात प्रकाश पसरला आहे. विद्यार्थिनीच्या कुटुंबीयांनी आपल्या मुलीचे सुंदर डोळे दान केले आहेत.
विद्यार्थिनी वृंदा त्रिपाठीला कोणताही गंभीर आजार नव्हता. ती शाळेत गेली होती आणि शाळेत मित्रांसोबत खेळत असताना अचानक छातीत दुखू लागलं आणि बेशुद्ध पडली. शाळेच्या कर्मचार्‍यांनी विद्यार्थिनीला रुग्णालयात नेले, जिथे डॉक्टरांनी तिला मृत घोषित केले आणि मृत्यूचे कारण हृदयविकाराचा झटका असल्याचे सांगितले.
आपल्या मुलीच्या आकस्मिक मृत्यूने कुटुंबाला धक्का बसला आहे, परंतु त्यांनी वृंदाचे डोळे दान करण्याचा निर्णय घेतला. त्यांनी मुस्कान ग्रुपशी संपर्क साधून ग्रुपचे सेवक जीतू बागानी, अनिल गोरे यांच्या कुटुंबीयांची भेट घेतली आणि वृंदाचे डोळे काढून इतरांच्या जीवनात प्रकाश आणण्यासाठी प्रयत्न सुरू केले.
इंदूरमध्ये हृदयविकाराच्या रुग्णांमध्ये वाढ झाली आहे. आठवड्याच्या पहिल्या तीन दिवसांत हृदयविकाराच्या झटक्याने 11 जणांचा मृत्यू झाला होता. भारत आणि न्यूझीलंड यांच्यातील क्रिकेट सामन्यादरम्यान एका पोलीस अधिकाऱ्याला हृदयविकाराचा झटका आला. त्याला रुग्णालयात दाखल करण्यात आले आहे.