उत्तराखंड – उत्तराखंडमधील चंपावत Uttarakhand Champavat जिल्ह्यात एक भीषण रस्ता अपघात झाला आहे. येथे मिरवणुकीने भरलेली मॅक्स कार खोल दरीत कोसळली त्यामुळे मॅक्स कारमधील 14 जणांचा मृत्यू झाला आहे. गाडी टनकपूरहून मिरवणुकीकडे परतत होती. सुखीधांग येथे रात्री उशिरा हा अपघात झाला.
अपघाताची माहिती मिळताच पोलीस आणि बचाव पथक घटनास्थळी दाखल झाले आहेत. दरीतून 14 मृतदेह बाहेर काढण्यात आले आहेत. तर अपघातामध्ये गंभीर जखमी झालेल्या रुग्णांना जिल्हा रुग्णालयामध्ये उपचारासाठी पाठवण्यात आले आहे. टनकपूर-चंपावत महामार्गाला लागून असलेल्या सुखीधांग-दंडामिनार रस्त्यावर हा अपघात झाला आहे.