लखनऊ – नुकतीच एक धक्कादायक बातमी समोर आली आहे, ज्यात लग्नाचे आनंदाचे वातावरण असताना दुःखात बदलले आहे. या घटनेमध्ये एका विहिरीत अनेक महिला आणि मुली पडल्या आहेत. या घटनेमद्धे 13 महिलांचा विहीरीत बुडून मृत्यू झाला आहे 13 Women Drowned in Well.ही घटना उत्तर प्रदेशच्या कुशीनगर Uttar Pradesh Kushinagar येथे घडली आहे. या घटनेमुळे आता परिसरात एकच खळबळ उडाली आहे. मिळालेल्या माहितीनुसार, एका लग्नाच्या हळदीच्या कार्यक्रमावेळी ही घटना घडली आहे.
पोलिसांकडून मिळालेल्या माहितीनुसार, नौरंगिया ग्रामसभेच्या स्कूल टोल येथे बुधवारी रात्री 9 वाजता एका लग्नाच्या कार्यक्रमामध्ये विहिरीची पुजा करण्याच्या प्रथेसाठी काही महिला आणि मुली एकत्र जमल्या होत्या. विहीर पाण्याने पूर्ण भरलेली होती. समारंभासाठी गर्दी खूप होती.
As many as ten people died after they accidentally fell into a well in #Kushinagar during a ‘haldi’ ceremony.@Uppolice #UttarPradesh pic.twitter.com/ks06O6BjBS
— Adeeb Walter (@WalterAdeeb) February 16, 2022
विहिरीच्या जवळ आणि विहिरीवर बांधलेल्या मचाणावर काही मुली व महिला बसल्या होत्या. मात्र हे मचाण अचानक कमकुवत झाल्याने ते तुटले आणि त्यामुळे हा संपूर्ण अपघात झाल्याचे बोलले जात आहे. त्यांना वाचवण्यासाठी गेलेल्या इतरही अनेक महिला विहिरीत बुडाल्या.