नाशिक येथे मुंबई-आग्रा महामार्गावर मंगळवारी सकाळी भीषण अपघात झाला. या अपघातात 10 जणांचा मृत्यू झाला. तर 30 हून अधिक जण जखमी झाले आहेत. मिळालेल्या माहितीनुसार, ही बस नाशिकहून जळगावकडे जात असताना समोरून येणाऱ्या ट्रकवर धडकली. अपघात एवढा भीषण होता की प्रवाशांना बाहेर काढण्यासाठी बस मधूनच कापावी लागली.
अपघातानंतर आजूबाजूच्या लोकांनी पोलिसांना अपघाताची माहिती दिली. पोलिसांनी स्थानिक लोकांच्या मदतीने घटनास्थळी पोहोचून जखमी आणि मृतांना बसमधून बाहेर काढले आणि रुग्णालयात नेले. अपघातानंतर महामार्गावर मोठ्या प्रमाणात गर्दी झाली होती. मिळालेल्या माहितीनुसार, बस आणि ट्रकची धडक एवढी भीषण होती की बस पूर्णपणे चक्काचूर झाली. प्राथमिक तपासात टायर फुटल्याने अपघात झाल्याचे सांगण्यात येत आहे. टायर फुटल्याने बस चालकाचे नियंत्रण सुटले.
नाशिक जिल्ह्यात मुंबई – आग्रा महामार्गावर एसटी आणि ट्रकचा भीषण अपघात
१० प्रवाशी जागीच ठार तर ३० प्रवासी गंभीर जखमी
जळगावहून वसई विरारकडे जात होती बस #Nashik #NashikAccident pic.twitter.com/DqXGyaapfH
— DD Sahyadri News | सह्याद्री बातम्या (@ddsahyadrinews) April 30, 2024