हिंदी, मराठी आणि बंगाली चित्रपटांमध्ये काम केलेल्या ज्येष्ठ अभिनेत्री स्मृती बिस्वास यांचे महाराष्ट्रातील नाशिक शहरातील राहत्या घरी निधन झाले. फिल्म हेरिटेज फाऊंडेशनने या अभिनेत्रीचा फोटो सोशल मीडियावर शेअर करून ही दु:खद बातमी दिली आहे. 1930 ते 1960 पर्यंतच्या तीन दशकांमध्ये स्मृती यांनी ‘नेक दिल’, ‘अपराजिता’ आणि ‘मॉडर्न गर्ल’ सारख्या अनेक हिट चित्रपटांमध्ये काम केले.
वृत्तसंस्था प्रेस ट्रस्ट ऑफ इंडिया (पीटीआय) ने गुरुवारी माहिती सामायिक केली की 100 वर्षीय ज्येष्ठ अभिनेत्री स्मृती बिस्वास यांचे बुधवारी रात्री उशिरा वयाशी संबंधित समस्यांमुळे निधन झाले.
View this post on Instagram
त्यांनी बालकलाकार म्हणून आपल्या कारकिर्दीला सुरुवात केली आणि गुरु दत्त, व्ही शांताराम, मृणाल सेन, बिमल रॉय, बीआर चोप्रा आणि राज कपूर यांसारख्या प्रसिद्ध चित्रपट निर्मात्यांच्या चित्रपटांमध्ये काम केले. बिस्वास यांनी देव आनंद, किशोर कुमार आणि बलराज साहनी यांसारख्या अभिनेत्यांसोबत विविध चित्रपटांमध्ये काम केले. संध्या (1930) या बंगाली चित्रपटातून त्यांनी चित्रपटांच्या दुनियेत प्रवेश केला. मॉडेल गर्ल (1960) हा तिचा शेवटचा हिंदी चित्रपट होता. चित्रपट निर्माता एसडी नारंग यांच्याशी लग्न केल्यानंतर बिस्वास यांनी अभिनय सोडला. पतीच्या निधनानंतर त्या नाशिकला राहायला गेल्या. बिस्वास यांनी 17 फेब्रुवारी 2024 रोजी त्यांचा 100 वा वाढदिवस साजरा केला. सूत्रांनी सांगितले की, त्यांना राजीव आणि सत्यजित ही दोन मुले आहेत.