LSG vs MI: लखनौ सुपर जायंट्सने एकना स्टेडियमवर मुंबई इंडियन्सचा 4 गडी राखून पराभव करत महत्त्वपूर्ण विजयाची नोंद केली आहे. हा सामना हरल्याने मुंबईला आता टॉप-4 मध्ये पोहोचणे कठीण झाले आहे. त्याचबरोबर केएल राहुलच्या संघाने प्लेऑफच्या दिशेने एक पाऊल पुढे टाकले आहे. या सामन्यात मुंबईने नाणेफेक गमावून 145 धावांचे लक्ष्य ठेवले होते. प्रत्युत्तरात लखनौ संघाने 4 चेंडू शिल्लक असताना लक्ष्य गाठले आणि 4 गडी राखून विजय मिळवला.
इंडियन्सने दिलेल्या 145 धावांच्या लक्ष्याचा पाठलाग करताना लखनौ सुपर जायंट्स संघाने 19.2 षटकांत हे लक्ष्य गाठले आणि सामना 4 गडी राखून जिंकला. गोल्डन डकवर बाद झालेल्या अर्शीन कुलकर्णीच्या रूपाने लखनौने पहिल्याच षटकात पहिली विकेट गमावली. केएल राहुल 28(22) धावांवर बाद झाला. 18 (18) वर दीपक हुडाने त्याची विकेट गमावली. ॲश्टन टर्नर 5, आयुष बदोनी 6(6) धावा करून धावबाद झाला. पण, मार्कस स्टॉइनिसने लखनौसाठी सर्वात मोठी खेळी खेळली आणि त्यांची बुडणारी बोट वाचवली. मार्कस 45 चेंडूत 62 धावा करून बाद झाला. त्याने आपल्या खेळीत 7 चौकार आणि 2 षटकार मारले.
A win for the Lucknow Super Giants at home 🙌
They now move to no.3️⃣ in the points table with 12 points 👏
Scorecard ▶️ https://t.co/I8Ttppv2pO#TATAIPL | #LSGvMI | @LucknowIPL pic.twitter.com/gZRii1MvbT
— IndianPremierLeague (@IPL) April 30, 2024
मुंबई इंडियन्सने 145 धावांचे लक्ष्य दिले होते
मुंबईच्या डावाबद्दल बोलायचे झाले तर रोहित शर्मा केवळ 4 धावा करून बाद झाला. इतकंच नाही तर पॉवर प्लेमध्येच मुंबईने 4 विकेट गमावल्या. 20 षटकेही फलंदाजी करणे मुंबईसाठी सोपे जाणार नाही, असे वाटत होते. पण, अखेरीस मुंबईने 20 षटकांत 144/7 अशी धावसंख्या उभारली.
Bit of a stutter towards the end, but LSG manage to get over the line!
https://t.co/uOl21ML2Xj #LSGvMI #IPL2024 pic.twitter.com/Z3Wb1HlAGV
— ESPNcricinfo (@ESPNcricinfo) April 30, 2024
रोहितनंतर सूर्यकुमार यादव 10, तिलक वर्मा 7 धावांवर बाद झाले. कर्णधार हार्दिक पंड्या गोल्डन डकवर बाद झाला. इशान किशन 36 चेंडूत 32 धावा करून बाद झाला. नेहल वडेराने 41 चेंडूत 46 धावांची महत्त्वपूर्ण खेळी केली. यानंतर मोहम्मद नबी 1 धावेवर पॅव्हेलियनमध्ये परतला. शेवटी टीम डेव्हिड 35(18) धावांवर नाबाद परतला. अशाप्रकारे खराब सुरुवातीनंतर मुंबई संघाने 20 षटकात 7 गडी गमावून 144 धावा केल्या आहेत.