दत्तक मुलीच्या प्रायव्हेट पार्टमध्ये सापडले लाकडाचे तुकडे, डिजिटल बलात्कारप्रकरणी जोडप्याला अटक

11 वर्षीय मुलीवर अत्याचार केल्याप्रकरणी प्रयागराज पोलिसांनी एका जोडप्याला अटक केली आहे. नेवा पोलिस स्टेशनचे प्रभारी प्रीत यांनी दिलेल्या तक्रारीच्या आधारे अरुण सिन्हा, व्यवसायाने शिक्षक, आणि त्यांची पत्नी अंजना यांच्या विरोधात डिजिटल बलात्कार, प्राणघातक हल्ला आणि IPC आणि POCSO कायद्याच्या इतर संबंधित कलमांतर्गत गुन्हा दाखल करण्यात आला आहे.  पोलिसांनी सांगितले की, आरोपी जोडपे मूळचे पटनाचे असून, प्रयागराजच्या प्रीतम नगर परिसरातील एका अपार्टमेंटमध्ये राहतात.

मुलीच्या प्रायव्हेट पार्टमध्ये लाकडाचे तुकडे सापडले

या दाम्पत्याला मूलबाळ नसल्याचे पोलिसांच्या प्राथमिक तपासात समोर आले आहे. गेल्या वर्षी या जोडप्याने लखनौमधील एका अनाथाश्रमातून 10 वर्षांच्या मुलीला दत्तक घेतले होते. मात्र त्यांनी तिचा छळ सुरू केला. हाताला फ्रॅक्चर झाल्याने मुलीला रुग्णालयात दाखल करण्यात आले. तपासणीदरम्यान डॉक्टरांना मुलीच्या शरीरावर केवळ जखमा आढळल्या. तर प्रायव्हेट पार्टमधून लाकडाचे तुकडेही सापडले. धूमगंजचे एसएचओ राजेश कुमार मौर्य यांनी सांगितले की, आरोपींना तुरुंगात पाठवण्यात आले आहे.

जखमा पाहून डॉक्टरही आश्चर्यचकित झाले
असे सांगितले जात आहे की आरोपी महिलेने प्रथम डॉक्टर सिद्धार्थ पांडे यांना फोन केला आणि सांगितले की, भाऊ-बहिणीच्या भांडणात 11 वर्षांच्या मुलीला किरकोळ दुखापत झाली आहे. दुसऱ्या दिवशी सकाळी ती मुलीला घेऊन हॉस्पिटलमध्ये गेली आणि जखमा पाहून डॉक्टरही थक्क झाले. क्ष-किरणातून तिच्या शरीरावर अनेक जुन्या आणि नवीन जखमा आढळून आल्या, ज्यात तिच्या प्रायव्हेट पार्टचा समावेश आहे, डॉ पांडे म्हणाले. त्यानंतर महिला स्त्रीरोग तज्ज्ञांनी तिची तपासणी केली, त्यात तिच्या प्रायव्हेट पार्टमध्ये लाकडाचे तुकडे आढळले. मुलीच्या हातालाही फ्रॅक्चर झाले होते. जखमा पाहून आम्ही पोलिसांना माहिती दिली. महिलेने तिला उपाशी ठेवले आणि महिन्यातून 14-14 दिवस जेवण दिले नाही, असा खुलासा मुलीने केला आहे.